加電費｜有燈飾鋪指加重經營負擔 業界或爭相減價賣貨「甩身」
撰文： 梁薾心
發布時間： 10 小時前
最後更新： 6 小時前
▲ 有燈飾鋪指，加電費將再加重經營負擔。（梁偉榮攝）
中電及港燈來年淨電費分別按年加0.98%及0.9%。有灣仔燈飾鋪坦言加重經營負擔，相信業界會爭相減價賣貨「甩身」，亦有市民批評現時經濟差卻「乜都加」，認為兩電不應再加價。
有灣仔燈飾店每月電費開支約5,000元，職員何先生指，現時本港各界都經營困難，特別是燈飾生意，主因是市民購物模式改變，「上網買嘅多，落鋪頭買嘅少。（即使落鋪頭）影相嘅多，唔會喺度買，投石問路。」
他又指，透過淘寶等網購內地品牌燈飾，較在港購買便宜三分一，仍光顧實體店的只有不懂上網的長者，惟坦言「而家阿婆都識用手機」，相關顧客較少。
對於今次電費加價，何先生相信會再加重經營負擔，但不會把成本轉嫁消費者，直言貨品即使不加價亦已賣不出，預計業界或反而再減價，以更快賣貨「甩身」，「個個等緊執笠，啲燈愈來愈平，睇邊個甩得貨快，走得甩。」
另一灣仔燈飾店負責人簡先生則指，每月電費開支約3,000元，批評香港經營環境面臨大變化，但甚麼都加價，「經營壓力肯定大，啲客又少咗。」
市民林女士就認為，不論電費加幅如何，仍會增市民負擔，「加多加少都係加，而家經濟又唔好，乜都加加加，市民嘅負擔都好重。」
一家三口在港島東居住的市民馮女士說，每月電費1,400至1,700元不等，認為兩電不應再加價，「梗係唔好加啦，而家經濟唔好，好多人都冇嘢做，就算加都等到經濟環境好啲先。」
至於慳電方法，她指現時天氣轉涼會盡量不開冷氣，亦改用較慳電的LED燈，並在有需要時才亮着。
下載HKET App，追蹤TOPick WhatsApp頻道，睇全方位資訊：
記者：梁薾心
