正向教育｜港姐冠軍轉型做正向教育家 張嘉兒親授5招改善小朋友懶惰惡習
撰文： 王明芳
發布時間： 2024/12/11 12:49
▲ 張嘉兒近年轉型做正向教育家，更親授育兒心得。
【張嘉兒/育兒教養/正向教育】前港姐冠軍張嘉兒為兩女之母，努力進修的她成為營養學家及正面管教認証講師，已移居溫哥華3年的張嘉兒不時於社交網分享育兒心得，日前親授5大方法逆轉小孩的懶惰陋習。
正向教育｜5大解決孩子懶惰方法
張嘉兒於社交網上載跟女兒紮營以及剷雪的照片，她綜合了小朋友懶惰的5個原因 ，以及解決方法：
原因1. 標籤會影響佢哋
解決方法：
一直同小朋友講話佢哋懶，漸漸佢哋相信係真，就會做出符合呢個行為嘅標準。（話佢哋曳都係一樣）
試吓多注意佢哋嘅努力同優點啦！
原因2. 我哋為佢哋做太多
解決方法：
如果你貪快幫佢哋處理，佢哋就學唔到負責任，俾多啲機會佢哋試吓啦
原因3. 欠缺技能
解決方法：
如果冇教過佢哋點做，佢哋可能就會逃避，試吓俾多啲指引佢哋，教吓佢將玩具分類，或者教佢哋洗碗都得㗎。
正向教育｜父母別胡亂批評
原因4. 感到壓力大
解決方法：
可能佢覺得有無從入手，嘗試分成小部，譬如如果要去直接執拾房間，可以試吓話將書擺返入書櫃先，又或者從小部份開始。
原因5. 批評會打擊信心
解決方法：一直挑剔佢哋嘅錯，會令到小孩子唔想繼續，多啲鼓勵佢嘅努力而唔係佢嘅。
最後，張嘉兒建議父母別急著標籤小朋友：「我哋係可以令到佢變得更有能，一步一步嚟效果會更加好。」
對於幼兒教育，張嘉兒花不少心機去鑽研，為了令女兒Leora享受校園生活，安排女兒由傳統學校轉讀國際學校，其後索性舉家移居加拿大生活，她曾接受TOPick訪問稱：
我發現Leora 4歲嘅時候，佢一做功課就好緊張，就會有焦慮，佢同我講『我冇時間玩』，因為咁推動咗我同佢K2轉讀國際學校。
正向教育｜張嘉兒：對待小孩子要堅定而溫柔
為一位稱職媽咪，張嘉兒曾攻讀正面管教認證講師課程，成為一位正面管教工作坊認證講師，期望以正面方式教育女兒。
至於接觸正面教育的原因，是因為張嘉兒教導兩女時，情緒波動繼而影響母女關係，直直至認識正面教育，親子關係有所轉變。張嘉兒曾說：「家長們對待孩子應是堅定而溫柔的」，她續說要給予孩子歸屬感及價值，再從中透過鼓勵方式改善小朋友不好的行為。
相關報道：
碩士媽媽︱前港姐張嘉兒轉職溫哥華地產經紀 兩女棄讀港國際學校跟隨移居
育兒心得｜太忙怕錯過孩子成長階段？ 前港姐張嘉兒教簡單3招打造優質親子時光
💯備戰考試季！立即下載免費試題👉🏻【中英數常識試題下載】
下載HKET App，追蹤TOPick WhatsApp頻道，睇全方位資訊：
