痞子無間道︱馬海倫擒上枱再趷起身零難度 77歲Helen姐教一招保平衡力
撰文： 文體藝online
發布時間： 2025/03/05 16:49
最後更新： 2025/03/05 16:51
▲ 《痞子無間道》
【馬海倫 / 痞子無間道 / 武打片】由周嘉洛、陳瀅、朱敏瀚、JW王灝兒主演TVB劇《痞子無間道》，在昨晚（3月4日）有一場脅持人質場面，當中現年77歲的馬海倫（Helen姐）要挑戰不少動作場口，除有掹劍、開槍，還有一幕是「一嘢趴上枱後再一嘢趷起身」，有姿勢兼有實際。
早在60年代已入影壇的Helen姐，在入行初期主力演武打片，比如《聾啞劍》、《縱橫天下》及大導演胡金銓的《迎春閣之風波》等，可說是一名打女，今次再騷身手。
明星豪宅丨馬海倫過新年曝光半山豪宅 隱形富婆被指擁半億物業：其實唔止
痞子無間道︱馬海倫平時勤鍛鍊
Helen姐接受TVB.COM表示，雖然已十多年沒拍過動作戲，但仍保持運動，稱：「平時有鍛鍊開身體嘅，除咗跑步同行山，一有時間就會喺屋企不停踎同不停趷起身，因為年紀愈大，膝頭同平衡力會差好多，所以要不停練，等自己反應快啲、肌肉力量好啲同冇咁易跌。我依家踎完可以即刻起身，唔使扶。」
她又笑言，跳上櫈比起掹劍難度要低：「因為把劍成把都係真鐵做出嚟嘅，好鬼重。同埋之後我有一場喺戶外拍嘅打戲，都拍得好辛苦，打得好犀利，希望大家到時會留意。」
事實Helen姐本身是運動健將，擅長游泳、騎馬、保齡球、滑雪和高爾夫球，更懂北派刀劍功夫與空手道，近年還跑長跑。而且更利害的是，Helen姐年輕時曾入選香港保齡球代表隊，為港隊往新加坡出戰亞洲保齡球錦標賽，並奪得女子組亞軍，相當厲害。
【木棘証人】馬海倫曾被誤診患乳癌改變人生觀 包租婆Helen姐助小商戶過難關【有片】
御用惡人︱54歲綠葉王患直腸癌拒開刀做手術 靠藥物令腫瘤縮小排期接受電療
綠葉王｜黃建東激瘦30磅 搭港鐵被「野生捕獲」高EQ回應網民嘲諷
最新影片推介：
🎓全新TOPSchool全港中小學校搜尋器，入HKET App即睇！
下載HKET App，追蹤TOPick WhatsApp頻道，睇全方位資訊：
