全民爸爸｜張家輝遇進擊Fans慈父上身教導 網民力讚是真正明星：關詠荷選對老公
撰文： 游艾維
發布時間： 2025/04/11 21:00
最後更新： 2025/04/13 06:18
▲ 張家輝教導粉絲的片段在網上瘋傳。
【張家輝/贖夢】影帝張家輝向來親民零架子，粉絲或市民要求合照也不會拒絕，不過近日網上瘋傳一段張家輝鬧fans的短片，片中的家輝表現激動，惟網民卻力撐他。
最新影片：
片中的張家輝坐於七人車上，看似出席完活動準備離去，卻遇上進擊的狂粉索取簽名，此時家輝就勸導該粉絲：「有時候我可能簽到唔名或拍唔到照，你唔可以唔接受呢啲情況㗎嘛，我每次都要同你做晒所有嘢先？你支持我，我好多謝你，但你每次都好極端咁『我一定要咁，我一定要咁』，又唔可以一定，你咁大個仔出嚟社會經歷咗好多嘢，有啲嘢都唔一定㗎嘛。」
全民爸爸張家輝｜肉緊教fans如教仔
該fans鍥而不捨繼續索簽名，更強調有看過家輝的劇集《騙中傳奇》，不過張家輝繼續語重心長教導fans，真的十足爸爸教仔一樣。
他續說：「某時候簽唔到名，你唔好咁極端，我唔想聽你講睇過我啲咩，我要你知道，你自己咁大個仔唔好咁樣，人哋話做唔到你嘅嘢，你就發狂？唔可以咁樣。我哋響社會工作經常遇到不如意事，唔可以遇到唔如意嘅事就呀呀呀……咁樣唔得㗎嘛，你明唔明白？你明唔明白先？」
最後張家輝有為該fans簽名，但也不忘勸告對方：「你唔好嘈，簽咗佢就係㗎啦，記住唔好咁樣，知唔知呀？」
全民爸爸張家輝｜關詠荷揀啱老公
某網民於Threads上載這片段，更大讚家輝價值觀端正，是真心着緊粉絲的明星，於現今世代真的不多，大讚家輝是值得大家學習的對象。
該網民寫道：「其實滿足個fans，幫佢簽個名，影張相幾秒鐘啫，但係家輝哥選擇藉着呢個機會勸解一個年青人，教佢社會上嘅道理，或者可能佢之後會受到更大嘅挫折。佢講得好動情，好激動，因為比起多唔多fans鍾意佢嚟講，佢着緊幫助個人多啲。」
不少網民也紛紛留言撐張家輝：「家輝哥真係超溫柔超caring嘅『全民爸爸』」、「係爸爸教仔咁，明明可以講句唔簽就上車走，仲咁苦口婆心，feel到好肉緊想對方聽得入腦」、「關詠荷揀佢做老公，她選對了」等。
全民爸爸張家輝｜跟愛女如朋友相處
張家輝與關詠荷育有獨生女張童，4年前，張家輝受訪時分享與正值反叛期的女兒之相處點滴。由於疫情期間，他有更多時間留家陪伴家人，而女兒張童因停課在家，張家輝和太太一同陪著她完成功課。
當時張童只有14歲，正處於青春期的「危險年齡」，張家輝坦言：「講太多又傷感情。」被問及女兒是否已拍拖，家輝笑言應該還沒有，但他也不敢細問。他表示，父女關係相處得不錯，兩人可以像朋友般聊天，但女兒則不時「恰」媽咪。
相關報道：
強哥強嫂｜張家輝夫婦拍拖食麵被野生捕獲 60歲關詠荷逆齡有術獲封「港版李英愛」
恩愛夫妻｜張家輝送花冧關詠荷片段出土 單親成長靠愛妻彌補缺失：無咗佢會死人
🎓全新TOPSchool全港中小學校搜尋器，入HKET App即睇！
💯備戰考試季！立即下載免費試題👉🏻【中英數常識試題下載】
下載HKET App，追蹤TOPick WhatsApp頻道，睇全方位資訊：
