Coldplay演唱會｜Coldplay開騷女童跪地做功課「怪獸家長」被鬧爆網民睇片還原真相

家事百科

撰文：王明芳

發布時間： 2025/04/14 10:40

最後更新： 2025/04/14 12:06

熱門金像獎2025 關稅戰謝霆鋒演唱會 DSE2025 中一入學啟德體育園超市大搜查結業潮靚媽精明眼會員有獎

【Coldplay香港演唱會/怪獸家長】英國殿堂級樂隊Coldplay在香港舉辦《Music Of The Spheres World Tour》演唱會已圓滿結束。近日一段女童在演唱會期間跪地做功課影片惹網民爭議，有人質疑旁邊家長是「怪獸家長」，但也有網民指控影片發佈者誤導觀眾，網民睇片還原真相。

Coldplay香港演唱會｜有備而來做功課？

有網民在Threads上分享一段短片，在演唱會現場一名女童頭戴露營燈跪在地上，以座椅為桌埋頭寫作業，身旁家長低頭玩手機，背景樂聲正是Coldplay經典歌曲《Fix You》。

Coldplay香港演唱會｜網民鬧爆「怪獸家長」

影片曝光後，網民狂鬧大罵女童家長，「好反智，咁嘈可以專心做到功課咩，讀書時期都可以俾個小朋友透下氣？聽下唔同音樂享受家庭樂唔好咩，如果買個位黎做功課，已經唔講浪費錢，即係霸佔左其他真心想睇coldplay既人既機會，同埋對個表演者好唔尊重」、「買張千元門票來做功課，不如讓位給真歌迷」、「對表演者極不尊重」、「好明顯係八卦新屎坑嘅人，根本唔係樂迷」、「應該係不能獨留兒童在家中唉做少一陣功課會留班咩啲家長諗緊乜嘢」。

亦有網民另有看法，「都未開場，樓主唔好誤導人得唔得」、「可能是孩子主動要求看演唱會，趁等候時完成作業」、「說不定他平時就靠聽Coldplay寫作業，現場版更能提升效率？」、「點解一定係做緊功課? 可能人哋寫緊篇短日記記錄低自己感受啫。人哋又可能enjoy 緊咁樣做。」

▼點擊圖片放大

Coldplay香港演唱會｜網民睇片還原真相

有網民從畫面細節推斷事件，指出2大疑點。第一是舞台狀態：Coldplay標誌性360度環形螢幕正播放廣告，台上並無樂隊蹤影，第二是現場環境：場館燈光全開，觀眾席仍有大量空位，人流走動，網民認為「這明顯是開場前半小時的入座時段，家長不過利用空檔讓孩子完成作業，卻被惡意塑造成『演唱會中逼小朋友做功課』。」、「認真睇就知未開show，去演唱會前未做曬功課，聽日又要交，咁可以點？係咪要捱夜通宵做埋佢？定係襯住仲有時間做埋功課，跟住enjoy個演唱會？問題源頭係教育制度。」部分網民譴責樓主刻意上載影片刷流量，捏造成「怪獸家長」觀感。

▼點擊圖片放大