食晏的「晏」點解？

呢排阿史喺公司好多野做，午餐經常變咗食下午茶。波士唔單止無同情阿史，仲同阿史講：「你都識話食晏，咁梗係食得晏架啦！」阿史真係無話可說。

咁點解午飯會叫做食晏呢？阿史查一查資料，原來食晏一詞原來相當歷史悠久。晏就係「晚」、「遲」咁解，而喺一本由西滿淮南王劉安同佢班門客一齊編寫嘅道家作品《淮南子》裡面，就有提及「日至於桑野，是謂晏食」，晏食大概嘅意思就係「遲啲食嘅飯」。其實，有唔少方言，好似吳語同粵語咁，都有晏飯或晏晝飯嘅講法，即係午飯嘅意思。後嚟喺廣東同香港，晏晝飯呢個叫法被人簡化咗，結果就叫咗「食晏」喇！

內容獲facebook專頁《史檔》授權轉載，原題為 「【俗語大剖析】食晏」