張敬軒：叮噹可否不要老

▲ 相片來源：YouTube 畫面截圖

叮噹可否不要老，伴我長高

隨著叮噹配音員林保全的離世，這句歌詞今日把各人的fb都洗板。

這句歌詞來自歌手張敬軒的《青春常駐》，這首2014年的歌曲，說出了去年兒童節目資深主持人譚玉瑛的離開，今天又說中了「叮噹」的離世，很多人都感嘆：兒時的回憶一個、一個地消失。

張敬軒今日在其instgram留言指，原來自己都是「大雄」，慶幸成長時期一直有「叮噹」陪伴成長。​

你一直都係叮噹，而我宜家至知我係大雄
 

全叔，知道你走咗，我皺咗下眉頭，眼淚就係咁流落嚟。

呢輪一味喺台上唱住「叮噹可否不要老......」，個腦入面就會出現你把聲，同埋叮噹個樣。
 

我唔理，你根本就係叮噹！

張敬軒指，每當要考試溫書，他就會想起「記憶方包」，令其考試一百分。

我從來都冇諗過，原來你會有一日翻咗入去個櫃桶，唔再出嚟...... 叮噹！！我係大雄吖！！！我好掛著你，你出翻嚟啦好嘛？！！ ...求下你......

譚玉瑛姐姐亦是不少港人的童年回憶，她去年宣佈離開無線兒童節目，消息令很多人都感到失望，因為譚玉瑛陪伴很多成年人成長。

張敬軒為了向譚玉瑛致敬，在演唱會上邀請譚玉瑛上台，創作出一個舞台劇版本，道出譚玉瑛的自白。

譚玉瑛說：

有好多嘢真係要放手架。
 

只有張開雙手，你先可以掌握到更重要嘅野。

就係你嘅未來。

小朋友，過去嘅就放低啦。

剛踏入2015年，「叮噹」配音員林保全離開了，很多網民都表示不能接受這個消息。

但正如張敬軒的歌曲所言，時光只會一直往前走，誰都留不住。

祝願2015年，大家都可以堅強走下去。