宮崎駿粉絲注意！《吉卜力》主題樂園出現？
發布時間： 2015/02/06 15:46
最後更新： 2015/05/06 16:20
宮崎駿既動畫陪伴住幾代人，包括小編既成長，描繪的世界更加是不少人的理想烏托邦。小編成日幻想 ，迪士尼樂園成功，為什麼唔整個宮崎駿動畫樂園呢？
最近有位日本畫師 TAKUMI 在 Twitter 分享佢所繪畫的「東京 Ghibli Land」吉卜力主題樂園地圖，精美到好似跟實物所畫，有天空之城過山車、龍貓巴士型火車....地圖一出旋即引起巨大迴響，不少人大呼「很想要」！
樂園的左上角，有「飛天紅豬俠」既 Hotel Adriano 海景酒店、中央有「天空之城」礦工老人既越礦飛車（勁想玩），右上角毫無疑問是「天空之城」LAPUTA ！右下有超大哈爾移動城堡！
右上角方面，紅色極具東方風格是「千與千尋」溫泉旅館油屋，較中央部份有「幽靈公主」動物公園同爐鐵村莊。右方有「龍貓」入面的森林迷宮，旁邊仲可以見到「風起了」二郎旋轉飛機機動遊戲。
左下角部份，最左下可以見到穿梭整個樂園的龍貓貓巴士火車 （無得輸，俾錢只係入去坐兩轉都抵）旁邊是飛機博物館 ，應該會齊集宮崎駿動畫入面各種飛行儀器。
另外，左手面有幽靈公主的腐海冒險樂園 ，上面有隻好型大王蟲 。而再上面是魔女宅急便的購物街。
最後是右下角部份，首先見到底部有「岸上的波兒」水族館，左手邊有「龍貓」貓之事務所以及「平成狸合戰」萬福寺。中央有岸上的波兒遊船設施。右邊可以見到「竹姬」竹林及「紅花坂上的海」紅花園。
睇完之後，真係好佩服日本畫師神級幻想力同畫功，十足十跟住實物畫。作為一個忠實宮崎駿動畫迷，如果有朝一日真係落成，無論天涯海角，地動山搖，我都要去一次！
原文刊於：ezone.hk
