想加人工點開口？無敵招數問與答

打工仔希望加薪抗通脹，但每當想說：「老細，今年有無人工加？」時，就像初戀告白般難以啓齒，擔心老細回敬一句：「NO！」相當面懞。

有網民在討論區上訴苦，結果遭遇是......大家有沒有遇過這些經歷？

▲ 設計圖片

加人工篇

有網民分享經歷，指自己快過試用期，希望加薪，特別是工作的兩個月有同事離職而加重負擔，整個設計部剩下自己一人。

點知老闆都不是省油的燈，以電郵「cc」全世界，包括當事人、人事部及市場部：

「出面人工都係由7K至14K」

「以前D同事比我仲忙」

「佢地6點收工，9點鐘先走」

「三個人頂8個品牌都係咁做」

最重要的是：

「唔好問公司俾左D咩你，問下你俾左D咩公司」

老闆如此不客氣，當事人當然「頂住條氣」：

睇到我成個人興晒，人都就黎30歲，唔洗買樓同結婚呀？同我講話唔好往錢看？真係同你講心呀？

當事人自稱人工約15,000元，相比老闆所言的14,000元更高。不少「花生友」留言支持辭職，但也有人認為加人工是跟工作表現有關。

▲ 對於要求加人工，有不少打工仔均感到難以啓齒。(相片來源：本報資料室)

除了直接向老闆提出加人工外，不少網民提出不少搞笑建議，例如在公司上求職網站，暗示有可能跳槽，令老闆主動獻身加薪：                  

扮你老闆WhatsApp 話：「唉公司又冇加人工。」

之後打句：「SORRY SEND錯。」

▲ 設計圖片

打工仔加人工理由可以很簡單，例如跟通脹、「出面好環境，唔係無得加呀？」、「出面大把人請我，唔加人工就走！」等等。

管理諮詢顧問張慧敏最近聽聞有入職不久的大學生要求加人工，老闆問他：

你為甚麼要加人工？

員工答：

因為我是大學生。

最後「大學生」能否成功就不得而知。

張慧敏認為，員工應在年中時提出加薪要求，與老闆或上司商討如何做得更好去爭取更佳薪酬，如果在年尾才提出已經太遲。

辭職篇

除了人工，不少8、90後做滿兩三年都想往外闖，證明自己實力。炒老闆魷魚時，不少人曾與上司妙問妙答，以下是其中一例：

員工：郭小姐，好多謝你幾年的照顧同俾機會我，不過我想趁後生，想闖下 (遞上大信封)

上司：(望一望信封) 其實你係未係度做得唔開心呀？

員工：(心裡梗係啦) 當然唔係啦！我做得好開心又多嘢學，不過想知道自己可以去到邊。

上司：(笑笑口) 呢封信我唔收住，比你考慮多兩日先。

員工：(以為受到公司挽留，有一種飄飄然感覺，曾有一刻掙扎)

上司：其實出面世界淘弱留強，你都係留返係度穩陣D。

員工：(斬釘截鐵) 唔洗啦﹐我唔需要再考慮。

所謂「凡事留一線，日後好相見。」不想與老闆反目收場，有網民提供一些「搞笑」版辭職理由:

多謝你俾機會我呀

但我想休息下呀

點解? 冇呀, 上期六合彩我中左頭獎呀

有老闆亦不甘示弱：

其實我都想你走好耐， 我心地太好唔知點開口。

▲ 設計圖片

相信不少打工仔都曾經「跳草裙舞」扭計加人工，又或者辭職時戴上「假面具」感激上司，如果大家有更搞笑的加薪或辭職理由，歡迎在TOPick 留言，讓大家參考參考。