洗邋遢點解要响年廿八？

▲ （相片來源：資料圖片）

年近歲晚，大家都忙住準備過年嘅事。不過，今日年廿八，波士就一早講好今日會有人去公司打掃，仲話年廿八唔洗邋遢，出年財運點會好！

年廿八洗邋遢，相信係人都知，但又關財運乜嘢事呢？據講，以前嘅廣東人有「財不入污門」嘅觀念，認為財神係唔會入唔乾淨嘅屋。

為免新一年財運差，所以家家戶戶都趁着新年前，將屋企打掃得乾乾淨淨，迎接新一年嘅來臨。

至於點解係年廿八打掃，有人就話係因為二八（廿八）同「易發」嘅發音近似，個日打掃就食正條財路咁話喎！

內容獲facebook專頁《史檔》授權轉載。