日本潮玩「迷你煮食」一粒飯壽司

▲ 「迷你煮食」風在日本盛行。（相片來源：Youtube 截圖）

日本人的玩意層出不窮，不少創意諗頭更是「估你唔到」，一股「迷你煮食」風突然吹起。

近期「迷你煮食」的粉絲愈玩愈誇張，串燒、炸薯條、天婦羅、麪鼓湯…諗得出就整到，而且像真度極高！

多條「迷你煮食」短片在網上熱播，不少網民讚嘆「廚師」們的靈巧手藝，連《時代》雜誌（TIME）、Buzzfeed等媒體都有報道，指「迷你煮食」十分Kawaii！

TOPick 精選以下6大鬼馬「迷你煮食」影片，包保令大家睇到垂涎三尺。

1. 炭爐串燒

雞肉串燒要用上真炭燒先夠正宗，無問題，迷你炭早已預備好，真是隔著個電腦屏幕都聞到有幾香！

2. 炸薯條

新鮮迷你薯條放入滾油中炸至金黃色，睇落超脆口，M記都要行埋一邊。

3. 炸魚天婦羅

嫌炸薯條未夠？炸魚天婦羅夠份量了吧？還要是新鮮魚仔沾上蛋漿即炸，猛料！

4. 一粒飯壽司

來到日本人最擅長製作的壽司，不過，今次是「一粒飯壽司」，要食幾多粒先夠「大滿足」呢？

5. 麪豉湯

料理當然要包括熱騰騰的麪豉湯，雖然是「十倍縮水」，但完全足料：豆腐、海苔都有哂，好似好入味！

6. 水晶晶鮮果芭菲

來到甜品，不如健康少少，揀個鮮果芭菲！這個份量，女孩子食3杯都不怕肥！

6道「小菜」小巧精緻，令人嘆為觀止！你有無興趣動手試試呢？