全港懷舊辣屁股瀡滑梯「大尋寶」

休閒 21:33 2015/03/01

分享:

分享:

之前的「辣PatPat」瀡滑梯大圍美林邨篇,多謝各位網友支持,提供了不少「健在」懷舊瀡滑梯的位置,過去一個月,我們走過沙田、大埔、屯門...誓要大叫「我要瀡滑梯!!」

網友Grace推介,沙田市中心的好運中心平台有一個約5呎半鐵造瀡滑梯,於沙田街市的小斜路走過去就見到...

相片來源:大仁生活facebook

這款瀡滑梯應該是「轉轉轉」瀡滑梯的後一代型號, 估計就是膠梯的前身。

相片來源:大仁生活facebook

7級樓梯, 高度剛剛到我的下巴, 雖然刺激度不及「轉轉轉」, 但一定好瀡過膠梯。情況似當年吳國敬, 杜德偉不太受落, 現在「我說過要你快樂」,「影子舞」不是吸引你去紅館, 齊齊嗌嗎!

相片來源:大仁生活facebook

不過, 原來好運平台是屬於私人地方, (我真係唔知遊樂設施也有份私人及公眾), 當我們玩了約20分鐘, 一名護衛走來問:「你哋係唔係喺度住架?」

相片來源:大仁生活facebook

我份人很老實, 當然否認, 於是就即時被勸喻離去。

另外, 年三十晚, 我們又跟隨另一網友推介, 走到屯門兆麟苑找瀡滑梯。我們在兆麟輕鐵站落車, 剛巧踫正一家人逛完花市回家, 「我哋都係返兆麟苑, 不過, 我哋住咗十幾年, 印象無你想搵嗰隻滑梯喎」(吓!!愈行愈失望…唔想接受殘酷現實)

不過這家人很好客, 帶我們到商場的公園, 並表示「我哋E邊只有這個膠梯...應該對面安定邨舊啲, 可能仲有」雖然兆麟苑找不到「舊朋友」, 但我很感激這熱情的一家親切的幫助。多謝您!!

於是, 道謝過後, 我們又走去安定邨看看。SY看來很愛這種尋寶感覺。

相片來源:大仁生活facebook

因為, 明明大家有也沒有來過安定, 小朋友竟然說:「等我睇吓左邊先...應該無, 前面可能有, 我哋再行前面試下先...」小領隊帶路找瀡滑梯。

相片來源:大仁生活facebook

哈!!沿途, 竟然給我們發現與沙田好運一樣的7級梯。(都好過無啦!!)

相片來源:大仁生活facebook

SY第一時間走去瀡並大叫:「爸爸!! 快啲嚟...」(嚇死我!! 係米有老鼠呀??叫得咁大聲)

相片來源:大仁生活facebook

原來SY好興奮指著樓梯底:「有字!! 搵到字啦, 你最鍾意啲字」(哎呀! 我上次林美邨影樓梯底的塗改液大字, SY不會以為他的爸爸有戀字狂吧??)

相片來源:大仁生活facebook

屯門的街坊, 非常友善, 有姨姨一邊清潔, 一邊說:「對面友愛邨愛德樓好似係有一條好高嘅瀡滑梯...不過唔知拆咗未喎...」又發現新大陸, 登時又再次興奮…

相片來源:大仁生活facebook

第一時間走過對面, 有位叔叔笑笑口:

係呀! 之前愛德樓真係有條4層樓高嘅梯, 不過幾年前拆咗啦喎...啲人話危險麻, 不過當時瀡又真係驚驚地, E家咪又變成膠嗰D矮矮嘅滑梯

哎!如果可以早幾年發現就好,很難想像,這個連哈比人也覺得矮的滑梯,當年同一位置是如何容納一條4層樓的「舊朋友」呢?? (唉! 真係錯失太易, 愛得太遲) 

朋友悅悅一家是大埔的地膽, 網友說廣福邨一樣有辣屁股瀡滑梯,,當然要相約兩家人齊齊玩。

相片來源:大仁生活facebook

今次真的「皇天不負有心人」,我終於找到啦!! Yeah!!正呀 

相片來源:大仁生活facebook

現場還有15級「轉轉轉」瀡滑梯,及7級梯兩款任玩。

相片來源:大仁生活facebook

不過,SY及悅悅一馬當先衝上滑梯, 但竟然兩人同聲大叫:「瀡唔到嘅??」 (吓?點解呢? 莫非瀡滑梯也有橋妙??)

相片來源:大仁生活facebook

原來, 當日天公不造美,大半天下著毛毛細雨,鐵制滑梯遇到雨粉竟然會大大減少順滑程度。 (根本直情可以講「啜」住屁股)

相片來源:大仁生活facebook

大家還以為可以如當日美林邨的暢玩瀡瀡瀡, 原來一切竟然事與願違。 我也有玩,玩到整條褲顯透也真的瀡不到。

相片來源:大仁生活facebook

小朋友大朋友就轉戰旁邊的「蝸牛架」,因為這個不受毛毛雨影響呀!!

相片來源:大仁生活facebook

後來, 雨勢愈來愈大, 我們玩了15分鐘後也被迫離去,沿途我竟然發現另一個殘酷現實。

相片來源:大仁生活facebook

廣福邨原來有兩條「舊朋友」, 不過另一條11級細版本被圍封住, 本來完整無缺的滑梯, 亦被告示2015年3月將會被移除。。。(吓!!我好唔捨得你被拆走呀!!)

相片來源:大仁生活facebook

廣福邨「碩果僅存」15級「轉轉轉」瀡滑梯希望你可以堅強屹立,不要被衰人拆走,下次好天氣時,我們再來找你玩。

全文於大仁生活facebook發表。文章獲【博客:大仁生活】授權轉載。