元宵節點樣嚟？

▲ 每年正月十五為元宵佳節。（相片來源：新華社）

聽日就係正月十五，即係元宵節，史友們係咪好期待呢個咁甜蜜嘅日子呢？

關於元宵節嘅由來，阿史發現有幾種講法，比較多人講嘅有兩種：

第一種係同宗教有關，元宵節源於道教嘅「三元說」，道教中有三官大帝，分別主管天、地、水，三元節就係三官大帝嘅誕辰，正月十五日定為上元節，七月十五日定為中元節，十月十五日定為下元節。所以古時嘅人會响上元節個晚祭月同賞月，祈求豐收，元宵節就係咁嚟。

▲ 相片來源：新華社

另一個講法就同西漢初期嘅歷史有關。話說漢惠帝死後，外戚呂氏一族亂政，殘害劉氏血脈，劉氏一族聯同大臣消滅呂氏勢力，劉基成為咗漢文帝。

漢文帝為咗紀念平定「諸呂之亂」嘅日子，於是就將正月十五定為與民同樂嘅日子，京城家家戶戶都張燈結綵，以示慶祝。

自此之後，正月十五就成為咗元宵節喇！

全文刊於《史檔》facebook，文章經作者授權轉載。