上環圖章小店 印出本土色彩

休閒 21:52 2015/03/09

分享:

今日工作坊正正就在情懷十足的文華里街頭,面對一系列飽歷風霜的排檔,由吳師傅教我們這套中國傳統手工藝。

相片來源:大仁生活

師傅每人派發一枚石章,首先教我們要將底部用粗砂紙磨至平滑...

相片來源:大仁生活

而師父巡視協助我們就說:「唔~你磨得唔平喇...你就凹咗喎」,(吓?在場只得師傅一個睇得出, 我哋全部都唔知點睇平定唔平?)

我唯有磨了又磨, 師傅走來一拿上手「幾好喎, 磨得唔錯...(真係?我只係一味死力磨咋喎),之後就用鉛筆畫一個十字,找出平衡點。」

相片來源:大仁生活

我今日分配到一粒叫肖山紅,另外朋友白色的叫青田, 有否發現明顯我的肖山紅比較短, 因為我剛才不停磨磨磨, (估唔到咁易磨走咁多~驚驚地)。

之後就寫字,師傅輕而易舉就可以反轉寫出中文字, 並說:「隨心就得, 無所謂嘅, 最緊要造得開心...」(你講就易,我完全唔知點攪,於是就說:「師傅呀...不如幫我寫個「仁」字吖?」)

相片來源:大仁生活

師傅即時答應;「你想寫隸書,定篆書呀?」我答:「無所謂...你話點書就點書。」師傅停一停:「我就梗係唔想輸啦...」(估唔到吳師傅都係GAG人喎!)

登登登凳...這就是師傅給我的「仁」字真跡...(其實我覺得似擘大咗口嘅史諾比多啲)。

相片來源:大仁生活

而夾住我的石圖章的工具, 就是另一位周師傅的個人收藏「呢個樞, 我用咗十幾年架啦, 而家香港應該無得賣,大陸應該仲有嘅,夾住嚟雕刻用架。」

相片來源:大仁生活

揚言一刀走天涯的吳師傅, 手起刀落,極速雕出一個「王」字, 不過大家卻一臉茫然。「初頭慢慢啦,今日大家當認識一下基本功先啦,唔識係正常架。」(吓!咁難雕架, 我都係Keep起真跡圖章,留為紀念算喇...)

另外, 跟周師傅傾談中, 他有感而發指:「1990-1993年, 每日我開檔前,一定有幾個日本人等我開舖,當年最風光, (咁而家做咩人生意多呢?) 而家咩人都唔多, 根本無人嚟...」(我好似問錯問題, 令師傅有啲尷尬...唔好意思。)

相片來源:大仁生活

原來, 當年公價150元雕一個圖章, 因為有人鬥價,甚至只收70元一個,不過就拿上大陸製, 質素自然下降, 當年圖章街更被那些敗類影響,污名成「行貨街」, 所以人流愈來愈少。 (點解行行都總有啲一個累全家的衰人, 最鬼憎人鬥價。)

相片來源:大仁生活

兩年前學院開始參與後巷改善計劃, 希望可以保留昔日傳統工業, 更加希望加入不同藝術元素。  除了想吸引更多香港人及遊客之餘, 同時告訴大家, 香港不止連鎖集團及大商場, 香港仍然有充滿人情味的小店, 希望有朝一日,可以將香港由消費形旅遊, 變成為文化形旅遊。

相片來源:大仁生活

到時如果成事, 遊人質素, 甚至環境污染問題應該都會有很大的改善,最起碼一些舊文化, 傳統創意小店, 全部也可以繼續生存, 繼續為香港添上美麗的顏色。 (我真心唔想全港九30間商場, 都係一模一樣的海港城,因為我要行小店!)

相片來源:大仁生活

(節錄)

全文於大仁生活facebook發表。文章獲【博客:大仁生活】授權轉載。