• 29°C
香港時間:2018年8月18日 星期六 11:08

信與不信的婚姻 由沈旭暉婚禮談起

15:04 2015/04/12

沈旭暉在2013年與女友Bonnie成婚。(相片來源:沈旭暉facebook)

想不到,國際關係屈機王沈旭暉的訪問,竟然又引起網友對信與不信的討論。以下評論根據已刊登的訪問內容,訪問背後究竟有沒有其他內情,不在討論之內。(訪問link

我太太係教徒,而我好厭惡宗教傳銷。佢嘅教友因為我唔係教徒,而唔准我哋結婚,有一大批人更杯葛唔出席婚禮。佢best friend因為我唔係教徒而拒絕做伴娘,我心諗,我媽(Simon母親都是教徒)都未出聲,你班「茂利」憑咩出聲?我到而家條氣都好唔順,你哋憑咩去 comments其他人嘅私生活,所以我對呢一type思想嘅人十分之反感。

教會因為信徒與非信徒結婚而杯葛婚禮的事,時有所聞,在下亦親歷不只一遍。教會祭出的理由,可謂要幾保守得幾保守,包括「這樣的婚姻不被神祝福」、「這是壞見證」、「觀禮等如認同」等。

其實兩個人的信仰,與婚姻是否幸福,並不如基督徒所講那麼掛勾。而信徒與非信徒的婚姻不被祝福,更是毫無根據的屬靈口號,這口號既不能使人更家認識基督教,更對一對新人無益。加上教會在行動上的杯葛,就更叫人認為教會是一群思想封建的道德佬。

教會對於單身姊妹的態度(yes,只侷限於姊妹),永遠就像 fiddler on the roof 裡面的父親一樣,覺得姊妹和未信的人一起,就挑戰了教會的權威、逾越了神的律法、絆倒了其他所有姊妹一樣。

我只問一句,啲姊妹你架?是教會對自己沒有信心,覺得「壞了規矩」之後就所以姊妹都會「出外搵食」?定係父權影響之下,姊妹的「親事」一定要得教會內的「屬靈父母」恩准?

教會不知從何學到了那種古怪的「屬靈純種論」,仿佛一定要信徒配信徒才是好。喂,救恩是用血統承繼的嗎?我們是猶太人嗎?還是我們是亞利安人?

其他教會怎做我不理,我告訴你我怎做:成人之美。你得明白,香港其實已經唔係好流行結婚,難得有人咁傳統,肯互相委身,我做教牧真係好開心架喎。

所謂成人之美,咪就係幫一對情侶挪開一些障礙,提供一些指引,做吓listener,告誡他們都要以愛相待,陪他們同行,這樣就很好了。

教會成日討論信同未信拍拖會吸走個信徒,我心諗,咁教會真係要檢討吓,點解咁簡單既道理都唔明:拍拖就梗係想日對夜對架啦。兩個人一齊在教會拍拖很好,但唔係的話,其實又有咩大不了?

你估信主果個唔知咩?但係教會經常做的就是把更重的 guilt 加在人身上,令一個蜜運中的信徒覺得自己正在被世俗吸走,成為迷失的羊。Let me put it this way,點解唔可以係,一個信徒好投入咁去學習愛一個人呢?

一個教牧應該明白,愛情是一件會叫人割捨很多東西的事,包括教會生活。

如果教會能夠接受這個事實,擁抱這個事實,也許,他們會能夠衷心祝福沈教授的婚姻。

如果教會連關於愛情的常識也掌握不到,談何教人愛主?如果教會不明白愛情大水不能淹沒這道理,而希望用罪疚感來牽引信徒,教會就換得被全然藐視。

原文刊於《信仰百川》網站,作者Do Chan。TOPick獲授權轉載。