沒有吳伯就沒有烏溪沙的心心石
發布時間： 2015/04/14 14:33
最後更新： 2015/05/07 12:27
烏溪沙海灘的「心心」石，已經成為馬鞍山的地標，之前我從未來過，今日趁天氣未轉炎熱，兩仔爺去決定去影心。
由地鐵站問職員，至過了橋到馬鞍山公園又問街坊，全部一聽到「心心海灘」即時義不容辭，指點迷律。街坊:
好近咋, 直行轉左唔駛3分鐘, 玩得開心啲
忽然好感到人間有情，出路與到好貴人。
一走到沙灘，SY便二話不說,，叫也叫不住，自己走了到灘邊拋石頭...
點解咁多人鍾意拋啲石頭落海呢???我又唔覺得好玩喎。
我發現沙灘上的「心」，不似報紙報導的，於是問問泳客，他答:
E個係新架, 米就係執緊垃圾嗰個叔叔砌架囉, 好似舊個心被人砌咗啲字係隔離... 你直接問叔叔最好啦!
冒昧的走到正在清潔沙灘的叔叔旁邊打招呼， 好好人的他:「你好, 你叫我吳伯就得」
你係米每日都嚟清潔架?
下午一定係度執走啲腐爛珊瑚虫，玻璃，星期六就唔嚟，因為我要去海賓長廊除草義工
吳伯真係好正能量, 又熱心!
原來5年半前的中秋節翌日，吳伯開始在沙灘上執垃圾、執玻璃。吳伯:
啲人中秋煲完蠟,，市政工人用水射去沙灘清潔，咁樣係唔啱架，應該用手執，如果蠟射到海中被魚食咗，到頭來人又食咗啲魚就麻煩。
點解嗰心唔似報紙影嘅??吳伯:
E個新嘅大心,是舊年7月7日, 我同一位李先生合作, 每日慢慢砌吓砌吓, 每日都要修補吓!
修補原因, 除了潮漲問題, 更因為好多人愛走上石心上, 將啲石頭拋入海...吳伯:
不過,我知佢哋無心嘅, 無所謂啦, 仲好等我每日都有啲嘢做, 每日修補吓, 有啲勢藝無咁悶麻。
吳伯真係好!
5年前的元祖心心, 因為旁邊被人砌了「主是」, 「祝福你」...惹來吳伯不太高興:
啲字唔係我砌嘅,，不過沙灘係大家嘅， 我尊重你， 你都應該尊重我，我覺得應該《留白》會更靚!
咁又係…畫公仔唔駛畫出腸呀！吳伯:
如果地球每人出一份愛,彼此互相專重,將來大家都會更加好!
言談間吳伯似有難言之隱, 只知他因為某些原因, 所以重新堆了另一個更靚的大心, 旁邊還有一隻海龜伴隨。
非常熱心的吳伯原來已經66歲，傾計期間又有小女孩走來，送上半年前的合照給他，逗得吳伯非常歡喜。
望着道別後的吳伯，又逐步逐步，拾起沙灘上的癈物，原來真正香港良心是在烏溪沙，
多謝你吳伯~祝你身體健康。
圖文刊於大仁生活的博客，獲授權轉載。標題經TOPick編輯修改，原題為『【香港良心】烏溪沙吳伯:「我想留白」』
