Google 手寫比堅尼emoji 原來好easy
發布時間： 2015/04/17 13:29
最後更新： 2015/05/05 14:46
Google 提供輸入法供用戶於 Play Store 下載使用，例如「Google 粵語輸入法」就頗受香港人歡迎。
日前 Google 的「Google 手寫輸入法」於 Play Store 上架，可以讓用戶以手寫方式輸入 82 種語言，包括大家常用的繁體中文及英文等等。
最特別是支援以手寫輸入 Emoji 表情符號，ezone.hk 實測試玩，玩得好開心呢！
喪玩手寫 Emoji
手寫輸入法何其多，記者試用這個「Google 手寫輸入法」後，發現較特別之處，包括：輸入英文時可以連續輸入數個英文詞語、兼容英文潦草等。但若論最特別之處，一定係兼容 Emoji 手寫輸入。
Emoji 不屬於 82 種語言包內，因此用戶毋須像輸入其他語言般，需預先下載語言包，只需在輸入文字時，緊按介面中的〈Enter〉鍵，即可把語言切換至 Emoji。
此時用戶可以運用自己的天才畫功，盡情畫出各款 Emoji 圖案！
記者試玩時，發覺要畫出心儀的「黃色人頭」Emoji 唔算易，但若要畫上「三點式泳衣」的 Emoji 反而好輕鬆！
畫手指公「Like」都好易，畫車都唔算難。一句到尾，如果 for fun，係唔錯！但如果要快，應該自己揀選合適的 Emoji，會比手寫為快！
辨認中英文都準
玩完 Emoji，都要試一試中英文的辨認準確度，實試發現，無論一次過連續輸入多個英文字母，如「ezone magazine」都可以順利認出。
中文方面，輸入如鰂魚涌的「鰂」字，都可以輕易認出。最後記者想同大家講聲唔好意思，因為小記手字，似乎唔係咁好睇！辛苦大家了！
原文刊於：ezone.hk
