出爐金像獎影帝劉青雲:感激《大時代》賜我好老婆!

City 11:00 2015/04/20

分享:

相片來源:本報資料室

「第34屆香港電影金像獎」紅地氈儀式昨日(19日)在文化中心外舉行,在無綫今日重播的經典電視劇《大時代》中,飾演方展博的劉青雲,昨晚拖着龍紀文(太太郭藹明)恩愛到場,兩人甫到場即秒殺現場記者。

憑《竊聽風雲3》大熱奪得影帝的劉青雲,提到近日無綫重播《大時代》,問郭藹明恨唔恨再同老公合作?

她笑笑口謂:「唔使恨,睇番就得!」青雲則表示,

套劇係好值得紀念的,因為係我離開無綫最後一部劇,又搵到個老婆!

引得身旁的郭藹明笑得極冧。至於不少市民擔心丁蟹效應影響股市,問青雲有甚麼止蝕方法?他說:「唔好買,我都唔買呢啲。」

劉青雲太太郭藹明平日也十分因愛,羨殺旁人。(相片來源:本報資料室)

相隔8年再封帝

劉青雲昨晚從楊千嬅及五個小孩手中接過最佳男主角獎,今次是他繼07年憑《我要成名》攞獎後,第二次再獲封影帝殊榮。

青雲上台領獎時,先向五個小孩表示,

你哋令我知道我有一班女性觀眾,同埋你哋肯定唔係認錯我係古天樂嘛?

令台下觀眾捧腹大笑。之後青雲雙眼通紅,答謝令他獲獎的《竊聽風雲3》及另一獲影帝提名的電影《暴瘋語》的台前幕後工作人員,他又特別多謝葉璇,

因為我喺戲內(《暴瘋語》)打得佢幾勁!

「愛妻號」的青雲更公開多謝太太郭藹明,笑言很多女觀眾很喜歡聽這part,他續說,

每次我駕駛太空船飛到宇宙唔知邊度時,你總係有辦法,好安全咁帶番我返地球,多謝你!

重溫劉青雲封帝的得獎感受: