4個不失霸氣向同事追還錢大法
發布時間: 2015/04/23 17:51
最後更新: 2015/05/08 10:11
辦公室裡總有1、2個麻煩同事,經常伺機向同事借錢、事後又走數長拖不還錢,把握機會「癡飲癡食」。遇著貪小便宜同事,隨時被搵著數。
以下親身經歷,你也有同感嗎?
1. 與「慳妹」共事 三生有幸
Helen有個「慳妹」同事,是知慳識儉的表表者,「慳妹」深知自己食量不多,跟Helen和一大班同事食飯時,總會「博大霧」。
同事剛坐低在canteen,「慳妹」首先搶閘出擊,厚面皮說:
不如你地都叫「加底」(加白飯),跟住每人畀一羹我,咁咪叫少個餐囉!
Helen跟同事們無可奈何下,每人「配給」些少飯餸,「慳妹」毫不尷尬,還會含住啖飯,說:
反正咁多飯都食唔哂,幫你地環保下!
Helen一班同事當堂「O哂嘴」,遇著「慳妹」同事,真是三生有幸。
2. 一包薯片出賣了人格?
Macy跟幾個好同事都是「零食控」,平時返工時間靠食薯片、朱古力「支撐」,於是每人夾100蚊,每逢759優惠日便大手入貨。
公司有大堆零食,「癡飲癡食」的Fanny就會出現,一見Macy打開包薯片就說:
整d來試下,呢款芝士味薯片好似好正!
話口未完,Macy手中的薯片已被搶走,睇住Fanny 10塊10塊咁倒入口!平日溫柔底的Macy忍不住變燥底,不憤跟Fanny說:
我地每人夾左100蚊買零食,你咁鐘意食,畀100蚊先喇唔該!
Fanny當然不會屈服,借機會「hea走」:
我最近減肥,唔夾錢住啦,費事食太多零食!
翌日,Macy班同事見到堆零食又少了,朱古力有半排被KO,薯片完全被消失。「不用問呀貴」都知是誰,Macy唯有轉搞地下零食會,放入櫃桶偷偷食,費事畀Fanny發現!
若不幸地已成為同事的債主,除了怪責自己是「朱錦春」,也可學習「如何向同事追數而不失霸氣」的招數:
1. 捉緊黃金時機
向同事追數,除了要有禮貌外,時機好重要。
黃金時機是食lunch前後,同事手持銀包或手袋之時,主動提醒他們還錢。
條數愈拖愈耐,只會變成呆壞帳,蝕底是自己!
2. 唱定散紙 擋金牛
不少欠錢同事以「無散紙」為理由,拒絕還錢。
追數要預先準備一大堆散紙,方便找續。
同事得張金牛?無問題,一樣有得找,至怕你唔還!
3. 反客為主:我有無欠你錢?
怕直接開口叫同事還錢尷尬?
不妨來一招反客為主,主動問:我有無欠你錢?如此借機提醒:快快「自動波」還錢。
4. 做禮貌債主 追數有法
遲遲未還錢的同事十分難搞,為免影響關係,追數都要有禮貌。WhatsApp提醒、在桌面貼上memo,都是可行的方法。