513「國際請病假日」點解請假叫「射波」?

職場 16:09 2015/05/13

分享:

分享:

相片來源:ezone.hk

喂喂喂~ 5 月 13 日係打工仔大日子,就係一年一度「國際請病假日」。有句說話,「得閒死唔得閒病」,日日朝九晚五,唔好彩仲要O 埋 T ,做到無停手,就算病嘅都照「頂梗上」,唔掂都要掂啦!

有見及此,有個藝術單位香港嘅 C & G Artpartment就喺 2008 年就搞嘅一場革命,將 5 月 13 日定為「國際請病假日」,希望咁多位打工仔齊齊請假。雖然唔係法定日子,但係都人去咗響應一下,齊齊射波,當然人數就唔多啦! 

主辦單位呼籲市民支持「國際請病假日」,於每年5月13日請病假休息一 / 多天。以「繪畫」可以陶冶性情,俾自己有機會進行心理、心智、性格、情緒治療,出去戶外「寫生」繪畫,舒筋活絡。等大家一齊畫個畫,吸下新鮮空氣,病痛都少 D !

但其實睇返D相都似乎人丁單薄,2008 年啱啱搞無咩人到都好正常,但搞咗幾年依然好少人去參加,唔通香港人嘅老細特別麻煩,定真係忙到假都無時間請?!無計啦,唔洗搵食咩!總之就唏噓啦。

你今日射左波未?!好明顯我革命失敗咗,唔講啦!老細望住我...不過都比個溫馨提示大家,造假醫生紙係刑事,都係病先好請假啦!

【射波典故】

其實成日話偷懶唔開工請病假叫「射波」。「射波」一詞意指「事先未經申請就自行放假、唔返工」。

它的起源有三:

(一)由於其發音跟「卸膊」相近,所以便借喻為請假去逃避責任;

(二)球員將波射給隊友的行為,有如同事突然放假將工作交予其他人一樣,無工一身輕;

(三)球員走近龍門射波時,經常做出假裝被侵犯的插水動作,後來就以此引申為詐病放假。

原文刊於:ezone.hk