食醬油蟹易出事？少年食神教你揀蟹3大貼士

▲ 相片來源：Youtube 截圖

品嚐美味海鮮是賞心樂事，但食用時要注意品質安全。近年韓式醬油蟹很受香港人歡迎，但有市民食過醬油蟹後出現腹瀉、發燒等徵狀，究竟如何判斷醬油蟹是否新鮮？選購時又有什麼要特別注意？

TOPick 找來少年食神Michael及美女廚神Kit Mak教路，分享他們揀醬油蟹的心得與貼士。

新鮮的醬油蟹有以下特點，大家可從「色香味」3方面著手判斷：

色澤：正宗醬油蟹的蟹源是來自韓國，蟹的整體色澤帶藍；蟹膏帶鮮橙紅色，跟平常食用的膏蟹相約；肉質亮麗

香氣：新鮮的醬油蟹是咸香與鮮味並重，醬油亦不應全蓋過蟹的鮮味；如醬油蟹帶臭腥味，表示已經變壞

味道：食落口的肉質要鮮甜，口感帶肥美，不應存有雜質或異味

▲ 相片來源：Youtube 截圖

Michael又提醒，若大家要在網店選購外賣的醬油蟹，應留意以下3點：

1. 醬油蟹應以冰袋包裝保鮮，並附有乾冰保存低溫

2. 天氣炎熱，運送時間愈短愈好，30分鐘以上或足以令醬油蟹變質

3. 選揀信譽良好、老字號的網店

另外，TOPick 亦順道請教了廚神們該如何選購生蠔，想食到最鮮的生蠔就要參考以下貼士。

▲ 相片來源：法新社

• 當造季節為每年9月至4月，5月至8月要食澳洲、紐西蘭的品種
   
• 選擇「逐隻開」的生蠔，「叢生蠔」（大堆已開的蠔）或桶蠔只適合煮食用
   
• 新鮮生蠔應飽滿、脹身，沒帶有白色混濁物
   
• 測試方法：用叉輕輕觸碰蠔身邊位（深黑色位置），蠔隻稍微郁動就最新鮮