中環「辦公室動物」終極健康指南

中環人個個都是辦公室動物，固然難免每日朝9晚6 甚至朝9晚12的生活。

如何保持身體健康，如何Keep fit，一直是中環人魂牽夢繞的難題。

以下是StealJobs 特製《中環人的終極健康指南》，希望幫到大家：

1. 返公司第一件事：飲水

返工坐低第一件事其實係開電腦，但按了個電腦開關制，其實應該立即去Pantry飲1-2杯水，因為返工車程可能都唔短，要補充下水份，而且飲水可以幫助集中精神努力工作。

2. 每1小時行一行

好多新聞都有提議過，但相信大家都覺得知易行難，因為好容易唔記得。

最好的方法，其實是飲多d水，逼住要去廁所，去完廁所又去pantry飲返杯水，造成良性循環。

當然，老闆會否覺得你「懶人多屎尿」是令一問題。

你可能感興趣：老闆口中的6個謊言，你中伏了嗎

3. 食 Lunch 指南

建議仿效SJ獨門祕方： 飯(包括粉,麵, pasta) / 粥 / Salad (包括Sandwiches) 循環

意思是一日食飯（以及其他好食的食物），第二日食粥，第三日食Salad。

久而久之，咁樣食，保證無肥人。

另外，中上環某些越南餐廳（尤其特別多人排隊，態度特別差果間）的生牛肉湯河味精頗多，雖味美，每次都食到好口渴，建議少食為妙。

4. 食Lunch後的散步

如果食完lunch 仲有幾個字時間，又唔係太忙，建議行去IFC Mall 頂層或中環海邊散下步。金鐘人可行去政府總部對開添馬公園散步（順便去暗角處憑弔一下）。灣仔人則似乎無任何可散步地方，灣仔大部份地方包括海邊似乎廢氣嚴重超標。

飯後散步對消化其實非常重要，好過返公司睇FB啦。

5. 謝絕下午茶

謝絕奶油多之類的下午茶是常識吧。 最多飲杯少甜奶茶/ 檸水。

「茶走」 (即用煉奶沖的奶茶) 尤其邪惡，避之則吉。

6. 提早放工 盡快逃離中環

有咩好得過早放工然後飛奔回家，早早地食完飯再去跑下步？

做完野，一於拜拜你條尾啦！駛比面個傻的上司嗎？

奴才心態造就香港打工仔的集體痛苦。

其實外國返工，人人5點半就走人，呢d咪文明國家囉！

至於各行各業，公司工時， StealJobs.com一早已經有大量Job Reviews啦，自己去睇，咪唔會中伏囉！

SJ結語

健康是一種Lifestyle，尤其對中環人而言。

努力是為自己奮鬥，絕對不是賣命給老闆。

原文轉載自StealJobs.com，轉載請註明出處。 StealJobs全面透露各行各業人工，工時，晉升前景，以及入行攻略，歡迎匿名提供收入資料。