200萬年薪請 fb人才　項明生：面書自有黃金屋

嘩，睇緊 Facebook 嘅你，有無諗過原來玩社交網絡，都可以年賺 200 萬港紙？

前 SCEH 總舵手、現任 Gameone 行政總裁兼旅遊專欄作家項明生，剛剛在其 Facebook 分享兩張圖片，表示有獵頭公司給予他 200 萬年薪，負責社交媒體推廣工作，他直指「臉書自有黃金屋。臉書自有兩百萬」，還叫大家「比 d 心機玩 Facebook 喇！」不過，項明生就話「這兩球我無福消受！」除了因為無時間，原來項氏已經處於半退休狀態呢！

正所謂好嘢要同大家分享，項明生話如果大家有興趣「拿兩球年薪」，大可 PM 自己的 CV，他會代為轉交。大家計計數，200 萬年薪即係每月大約搵 16 萬幾月薪，正呀喂！不過，頭銜叫「Head of Social Media Marketing」嘅筍工，當然係有能者居之啦！身為索尼首位華人董事的項明生，都謙虛表示「無才無能」去接受這份工作。

雖然這份工看似遙遠，卻多少反映社交網絡已經成為現代人不可或缺的一個平台，各大公司、媒體都會花上一定資源去經營社交網絡的宣傳工作。愛 IT、愛科技的 ezone.hk 讀者、社交達人們，你又有無打算裝備好自己，投身這個行業呢？

原文刊於：ezone.hk