防輻射底褲有無用?

職場 17:32 2015/06/15

分享:

好多人都會將手機塞入褲袋,特別係男仔。但其實呢個動作好危險,因為手機輻射有機會影響生殖能力。不過依家有救星,Kronjuwelen 正在 KickStarter 集資,準備生產防幅射底褲。

手機輻射對人體有害大家都知,英國一間大學就有科學家發現電磁波會影響男性的生殖能力。將手機放褲袋,咁貼近重要部位都咪話唔危險。

德國一間大學就有 4 個男仔,早在 2006 年開始擔心這個問題,之後佢地發現銀可以阻隔手機的輻射,但係諗唔到點將銀著上身,唔通好似個盔甲咁套上去咩!

幾年後佢地發現市面上有一種含銀嘅布料,本身係俾有某種皮膚敏感嘅人用。佢地將布料入面嘅銀含量提高到 20%,再製成底褲。製成品能夠阻隔 98% 手提電話嘅輻射,但依然柔軟、易洗。

佢地 4 個開咗間叫 Kronjuwelen 公司,係【Kickstarter】上面集資準備生產防幅射底褲。公司又表示之後都有機會開發女性嘅產品,不過大部分女仔都會將電話放係袋入面,相對上冇咁大危機。

但係呢條底褲都唔平,售價大概會係 30 歐羅起(約 HK$260),同名牌底褲差唔多。不過諗下佢可以保護到大家嘅「下半身幸福」,就咩都抵返晒啦!

原文刊於:ezone.hk