10招分辨真假芭蕉扇

芭蕉扇最近紅起來，全因大家想買把充電風扇消暑！唔知點解，好多人都要搵共田芭蕉扇正貨。但係國內出品，真假難辨係常識，網上有不少網民討論真假共田風扇，有人話芭蕉扇 logo 要乜乜乜，有人又話型號係 F95B 而非 E95B，有人又話要睇「rechargeable」有無串錯字，有人就話叉電唔會顯示紫色之類。

網民意見當然值得參考，但如果想搵最正確資料，當然去共田於阿里巴巴的官網睇睇啦！大家所謂嘅「共田」，全名係深圳市共田電子有限公司，官網中有「正品公告」，以下 ezone.hk 記者為大家歸納出幾招，藉以分出正貨共田芭蕉扇。

第一招：機身帶芭蕉扇 logo

首先，睇睇機身正面，正貨芭蕉扇應該有芭蕉扇 logo，白底紅扇，好易認。根據官網圖片，芭蕉扇 logo 右上角附設（R）Copyright 標誌。

第二招：配備 3 個風力檔位

機身正面面板上，設有 3 個風力檔位的 LED 顯示。檔位切換鍵則設於面板的右方，根據官網圖片顯示，切換鍵為綠色。

▲ 芭蕉扇正面有幾個位，都可以俾大家分真假。

第三招：紅綠兩色電源燈

開關激活鍵設於面板左方，圖片顯示為紅色鍵。旁邊設有電源提示燈，充電時為紅燈，充滿電後為綠燈，少電時就會閃爍。此外，芭蕉扇右邊機身設有 LED 照明燈。

第四招：共田電池為淡藍色

正貨共田芭蕉扇會配上「共田風扇專用電池」，據共田所說，電池顏色是特有淡藍色，上面以繁體中文寫上「共田（R）風扇專用電池」。

▲ 正貨電池係點？有圖有真相。

第五招：電池正負極為平頭

電池正負極均為平頭設計，共田自己表示電池內部設有 PTC 防爆裝置。

第六招：電池容容為 2200mAh

「共田風扇專用電池」的電量為 2200mAh 的鋰電池。共田特別指出，只有一款 18650 鋰電池，市場上標示為 4800mAh 的均為假貨。

第七招：電池倉內部有芭蕉 logo

從正品公告中的圖片顯示，芭蕉扇的電池倉入面設有芭蕉扇的 logo，留意。扇葉中央位置，同樣有另一個芭蕉扇 logo。

▲ 電池倉內都有 logo，但有網友指出，舊版本無 logo 都唔出奇。

第八招：新包裝有樣認

共田向 ezone.hk 記者表示，芭蕉扇中英文版全面升級為新包裝，如下圖。不過，共田指出市場上的舊包裝將會逐漸被淘汰，換句話說市場上如果找到芭蕉扇非以下包裝，也不代表一定係假共田產品，可能只是舊包裝而已。

第九招：上官網望望款式

共田其實有不少充電風扇，其外形都有分別，有些是長方形設計，均設有芭蕉扇 logo。如果找到一些聲稱為共田風扇，但又覺得外形不像較常見的款式，也不一定代表這是「非共田」產品。大家可【按此】睇睇共田旗下的電風扇款式。

▲ 網站可見，共田扇都有唔少款式。

第十招：搵到正貨都要注意安全

假設你經過上面 9 招驗明正身，都唔好以為共田芭蕉扇一定無問題呀！大家都知，國內製品質素有時可以好參差，18650 鋰電池之前都有爆炸個案，所以即使買到正貨共田芭蕉扇，一些基本的安全使用知識都要知道，例如：避免邊充電邊開啟風扇使用、避免過夜充電等。

此外，18650 電池正負極都是平頭設計，一旦拔出再放入時，要留意正負極方向。基本購物貼士，可能都係「去信譽良好的店舖購物」吧！另外，如果想玩得高階一點，不妨參考網民教路嘅改機大法。

原文刊於ezone.hk