DSE放榜日你會見到的6種人

DSE周三（15日）放榜，又是考生的人生轉捩點。想當年，阿潮都係符符碌碌胡混過關，不過放榜當天，最驚嚇係見盡人生百態，以下6種人，總有一個係左近。

1. 星之子喊到變豬頭

放榜當日在老師未到之前，她一直都好緊張。點解？皆因她向來是班中的「緊張大師」，小測成績有98分都會悶悶不樂一整天，食唔安坐唔落。

來到放榜的人生關口，緊張大師自然又再手心冒汗。拎到成績單後，她竟然痛哭流涕，泣不成聲，現場完全無人控制得住她。

點解？點解？緊張大師明明向來是班中的尖子，難通她今次失手「炒咗」？

此時，她抬起頭、眼有淚光來說：「我差一粒星啊」

X！我科科勉強合格都未喊，你穩入港大的尖子竟然喊到變豬頭？

此時她再加多句：

我同媽媽昨晚商量好有咩摘星之旅的秘訣，我仲化好妝等記者嚟影相。

2. 成功需父幹

心急的你一早就到學校，但遲遲都未見到好友出現。打電話給她，她打着哈欠、懶傭傭（明顯仍在睡夢中）地說：

唔駛急啦，我瞓多陣轉頭先返嚟拎。

接到成績單之後，眼尾更無睄過，就將張成績表對摺再對摺，方便她放在她的Gucci小包裡。你當時想阻止她，她又一句：

張cert，不過是一張紙嚟。

也是，對她來說，爸爸早已為她準備飛往英國的機票，不日就要起飛留學讀書，根本不需要在乎成績。

3. 唯恐天下不亂

其實放榜，又有咩好怕喎！放榜從來都不可怕，可怕的是你身邊的「恐慌散播者」。

這班人在你身邊無處不在，放榜前他們已經變得非常活躍，fb分享和Like的全部都是升學相關資訊。

終於到了放榜那天，你會見到他們有備以來，除了影印20張身分證副本、準備兩打證件相、銀包袋好500元的士錢，和阿媽塞在袋中的撒瑪利亞防止自殺會、學友社的小冊子，隨時令你有種「世界末日」的感覺。

而且，他們會周圍八卦身邊同學是什麼成績，並為他們提供建議和出路，儼如一名升學輔導老師，並好似非常有見地說：

你俾左留位費未？幾百蚊都唔俾？啲位好搶手架！唔俾你隨時冇書讀！

旁人聽見，真的會以為離開地球最後一班太空船的船飛。明明成績都穩操勝券，你都會乖乖打開銀包先付留位費。

4. 那些年一起隊Jolly Shandy 的日子

放榜令人好唏噓？不要緊，約埋一班兄弟、一班姊妹，手執一枝Jolly Shandy，坐在碼頭邊為青春乾杯！

放榜算甚麼！升學絕對拆不散一班好朋友的友誼！「朋友我當你一世朋友」、「原來朋友仔感情再天真 亦是我永遠也會愛惜的人」一句句肉麻歌詞接住唱，凌晨時分嘈到拆天，當然引來警察走上前查問，

夠秤未？飲酒？

只能立即慌忙解釋Jolly Shandy只得0.6%酒精含量，最後就意興闌珊地各回各家。

5. 我要做廢青！

放榜前後也好，他們根本毫無擔憂的情緒。考試期間更是明正言順地早出晚歸，更視前途如無物，放榜日根本無來，打算日後安心輪公屋，等政府養。以成為第二個阿源為目標，成功從天而降。

6. 決心做職安真漢子

更多的考生早就心中有數，知道自己斤量如何，只是比上不足，比下有餘。

於是，放榜當日輕輕的他來了，並不帶走一片雲彩。他們知道既然入不到大學，就早有打算投身社會，如投考警察、海關、成為職安真漢子等等。實行快人一步，理想達到。

無論成績如何，一早已成定局，放榜見到這6種人記得要保持平常心。放榜只是人生的一個小關口，絕非世界末日，各位DSE考生，加油！

撰文：潮人

我叫阿潮，係一個人，來自潮洲。低調啲可以叫阿潮，俾面就叫聲潮人，鍾意寫潮文，香港發生咩事我都寫，潮文乜乜乜。