怪獸家長:阿仔唔識剪腳甲 阿Sir記得幫幫手

City 12:04 2015/07/27

分享:

暑假不少學校都會舉辦夏令營summer camp,想讓學生能夠學習獨立。「90後教師決戰怪獸家長」版主戴Sir今天(27日)在facebook發帖稱,他今年負責帶學生入營,但旅遊巴尚未開出已相繼接到家長的電話,其中有家長不反對女兒早戀,但叮囑:

如果有男仔同我個女擦出火花幫我睇緊啲(男生的素質)

原因是她女兒學琴,雙手好矜貴,不會與非「三大」(港大中大科大)的男生拍拖。

TOPick編輯綜合戴sir的貼文,綜合出「怪獸家長」的憂心:

1. 當子女是BB

暑假入營,目的是讓學生暫時離開父母,學習獨立。戴sir表示,有家長致電叮囑他,夜晚要留意她的兒子是否穿好衣服睡覺,以免着涼。

阿sir ,記得睇下我個仔有無攝衫訓覺。

有家長則稱,兒子只食肉不吃菜,只飲凍飲不飲熱飲,言下之意是提醒戴sir要好好安排其兒子的膳食。

阿sir ,我個仔食肉唔食菜,飲凍唔飲熱,麻煩晒!

2. 過度溺愛子女

中學生理應可以照顧自己,但有家長卻致電戴sir,稱兒子未剪腳甲,但兒子不識自己剪腳甲,麻煩老師幫手剪,以免踢波時會「爆甲」。

仔仔未剪腳甲,佢唔識剪腳甲嫁記得幫幫手

更有家長致電戴sir「求救」,稱兒子忘記關閉家中的電腦,她想幫忙關電腦,但擔心會兒子的遊戲沒有儲存會被罵,要求戴sir幫手問下兒子是否可以關閉電腦。

佢冇熄電腦你幫我打去問下熄唔熜得?陣間熄左又話有隻game未save又鬧我丫!

3. 女兒非「三大」不拖手

子女入營,總有家長希望24小時𥄫實子女一舉一動。戴sir稱,有個女生的家長想跟入營被拒後,向老師提出幾點要求,首先是稱她的女兒不懂卸妝,要求老師幫手,並叮囑老師檢查清楚她女兒的隱形眼鏡是否已清洗乾淨。

該名家長又囑咐戴sir要留意女兒在營中是否與男生擦出火花,戴sir以為對方擔心女兒早戀,以校方不鼓勵學生過早戀愛安撫對方時,該名家長竟稱:

我叫睇緊啲男仔嘅質素!

戴sir聞言感到詫異,該名家長則解釋:

我個女學琴嫁,隻手好矜貴,非三大唔拖的

戴sir以為「三大」是指該校最高大的3名男生,該名家長再解釋:

港大中大科大,阿sir你冇讀大學嫁?仲有如果Kiss的話都只係同律師kiss!

學校入營怎會有律師在場,該名家長沒好氣的稱:

有potential做果啲丫懵炳!唔係做乜叫你睇住丫!

相片來源:90後教師決戰怪獸家長fb專頁截圖

小編認為,今時今日要做好老師的工作真的不容易。