林超榮：職場尷尬事

我雖然沒有上班地點，但以自由人身份，游走各大機構，開會、搭訕，聽聞不少辦公室的尷尬事。

不論長工短散，數職場尷尬龍虎榜，排名不分先後。

1. 旅行回來，買了手信，無人吃。

員工放假，遊埠歸來，總會買點小吃手信給同事。去台灣的，買豬肉乾；去印尼的，買千層椰汁糕；去澳門的，就買杏仁餅；去長洲的，買雞仔餅，可是，手信放在職場的文件櫃上，無人問津，偶然有人問起：

呢啲小食係邊一個㗎？

你食啦，係阿乜水買回來的手信，成個月啦！

唉，當事人聽到多麼尷尬，買回來的東西無人問津，不合大家口味，可能太 cheap，真係尷尬。

2. 去廁所，無廁紙。

工作時間，人有三急，去了廁格，辦事完畢，發現廁格無紙。如何是好？而家好方便，打個電話給同事：

喂，我喺二樓男廁近窗口第三格，可否給我一包紙巾？

對方未答話，廁格門外已經有人聽到你的求救，大聲回應。

無廁紙，隔籬嗰格有呀！你喺邊格？我拿給你。

雖然係好心人，但係廁所裏人頭湧湧，原來，好多人等廁所，個個等你 come out，真係尷尬。

3. 早上駕車回到公司的停車場，泊車之際，遇到你上司部車駛入來。

車位只得一個，你不想和上司爭車位，但若車位讓了給上司，你可能會遲到。你不讓車位，即係不俾面上司，作為下屬，即係死罪，影響他日升職。

唉！讓出車位，自己就遲到，而且阿諛上司，過分擦鞋，一樣影響佢對你嘅印象，難以抉擇，處境尷尬。

全文刊於《經濟日報》（收費閱讀）