史檔：拆解南北韓的擴音器對決

早兩日南北韓局勢好緊張，不過兩韓最後都傾掂數，北韓解除備戰狀態，而南韓就暫停反北韓嘅擴音器廣播，據知，南韓呢種「心理戰」廣播，廣播內容非常廣泛，包括宣傳民主自由、幸福生活等，最特別係會播出南韓流行曲，例如係組合少女時代《說出你的願望》及BIG BANG的《Bang Bang Bang》等。

其實呢種另類心理戰早响1953年南北韓休戰起開始，當時北韓一樣有有向南方「開咪」架。最初雙方嘅宣傳內容都係話對方嘅政治制度邪惡，自己個邊嘅人民生活有幾好。大家可能覺得北韓宣傳點會有人理，之但係，北韓响70年代其實比南韓更富裕。

到咗80年代，南韓就加強「宣傳」，廣播時間仲愈來愈長添。直至2004年，紀念金正日金大中南北韓歷史性峰會四周年，兩國同意一起拆除擴音器，但邊境呢種寂靜就只係維持咗11年。

原文刊於Facebook 專頁「史檔」，獲作者授權轉載。標題經TOPick 編輯修改，原題為〈【講開有段故】南北韓既擴音器對決始於1953〉。