公主病港女霸氣搭廉航　網民：咁巴閉搭私人飛機！

乘廉航就一定服務差？有網民以「一個絕望的客人」署名，在討論區投訴自己乘樂桃航空的「恐怖經歷」，霸氣地力數樂桃航空的服務質素差。

不過大部份網民卻認為是事主自己的問題，指出她犯下六宗罪，更有網民稱「咁巴閉，搭私人飛機啦！」：

1. 行李超載埋怨樂桃

該網民聲稱於今年2月購入於7月7日從大阪回港的機票。

她指早已知道廉航對行李超載規則執行嚴格，所以早已把部份物品寄回香港。

不過，到她辦理登記手續時被發現寄艙行李超載，而手提行李則還有空間，於是她抱怨需要「玩搬行李遊戲」，把寄艙的物品搬進手提，但仍超載。

期間，她因為「好辛苦好勁渴又咳」，亦「叫左個唔識香港人幫我買左支水」。

網民指她早知道行李有限制，在購物時應考慮後果：

最有趣既係，佢明知自己行李超重，特登寄左好多野返香港先。然後佢又再繼續病住咁去shopping，又買左好多野。
 

咁overload又關樂桃咩事？

2. 碌爆卡無錢付行李費

由於她行李超重，所以決定繳附加費，但她身上已沒有日圓，VISA 信用卡亦額滿，所以要求用銀聯付款，不過對方拒絕。

最後她扔掉舊衣服及日本購買的部份物品通過重量限制。

不過網民指她VISA 信用卡額滿亦有責任：

完全唔明人地唔收銀聯就有錯，你自己碌爆張VISA就無錯？？

3. 投訴登機證不用卡紙

她在登機時亦投訴登記證是以單據而非卡紙形式發出。

但有網民解釋，指登記證只用一天，卡紙會造成浪費：

香港去程大部分都係硬卡架喇，日本因為唔想浪費同用錢 好多廉航都已經轉左用所謂既7仔receipt。

(因為boardingpass只係一日用 硬卡好浪費同浪費錢啊)

4. 無理取鬧：「我要好似個乞丐乞你要serve我」

她上機後因感到熱而大叫發脾氣，亦不理會旁人勸喻，並在起飛後購買食物。

事後她在網上大呻航空公司服務差，更稱自己猶如「乞丐」一樣：

係未你嫌19000Yen 太Cheap，你要2XXXX Yen 你先肯比我一間正常Airline Service我，
 

你由頭到尾只係迫緊個客Follow Your Ridiculor Rule (註：Ridiculous Rules) ，只係識點係個客拎錢，但從來無為過個客諗過!

網民回應認為她的要求不合理，更諷刺她不如乘坐私人飛機：

點解佢要去旅行？除左私人飛機，市面上應該無一間航空公司可符合佢既期望。

5. 要求入急症室

她隨後稱感到「氣管又痛，越來越咳得嚴重」，並「又叫又喊」，又認為：

其他香港人只係當戲睇，我好辛苦咁呻，有人係度笑，可能你覺得我講得好好笑，但你既歡樂建築係我痛苦上，我好想有人幫我，安慰我，可惜無，有個阿伯仲用鄙視眼神望我，好似我阻緊你訓覺。
 

呢刻好無助，好孤獨，我好想即刻落機，我唔想再坐PEACH，唔想同呢班自私精香港人同機。

於是她決定因此要求回港後入急症室，但之後她亦投訴沒有航空公司的職員協助。

但她被網民質疑自己生病，也有責任照顧自己：

好口渴去食雪糕，冇諗過自己有病，氣管唔好會咳?

6. 投訴不果　於討論區唱衰航空公司

其後她向機管局投訴，並認為「最起碼都搵個高層親身同我say sorry同出聲明回應下我呢封投訴信」。

可惜最後沒有回音，於是她決定：

咁我咪上各大forum 講，同駐香港日本觀光局講，cc（發送副本電郵）埋日本旅遊局，航空局，哼哼

▲ 相片來源：香港討論區截圖

不過網民留言，認為「個女仔本身好有問題」，亦有人指：

唔好意思，可能我理解能力差。我由頭睇到尾，都唔覺航空公司有咩問題。

事件主角被網民猛烈批評，隨後她又再發帖，逐點回應網民之餘，更稱：

真係多謝你地比我如願上埋報紙，你地話我無計畫無準備，好啦、咁我打埋下半集我準備左D咩