跟隨方東昇與世界「零距離」
發布時間： 2015/10/09 17:29
最後更新： 2015/10/09 17:42
▲ 相片來源：TVB截圖
嫻姐向來自認為是有品味的師奶，絕少睇大台嘅師奶「膠劇」，但間中都會睇下新聞了解天下事。話說前段時間唔見方東昇出鏡，還以為他劈炮唔撈，原來他「擔大旗」拍攝另類旅遊節目《世界零距離II》。
因為方東昇，嫻姐決定晚晚睇大台嘅——10點半節目！
《世界零距離II》是新聞部製作的旅遊節目，在今個星期剛開播，每集介紹一個冷門地方，例如列支敦士登、法屬圭亞那，冷門到睇個名以為出亂碼。
好多網民同嫻姐一樣咁好taste，大讚節目做得好。
方東昇做呢個節目，真心好睇又搞笑，至少係專業新聞主播，又講野幽默，冇悶場，盼望台慶佢呢個節目有得獎。
今年萬千星輝最佳節目主持一定投佢地!!!
超級正嘅節目，超級funny嘅節目主持，晚晚都要追住睇.....方東昇，堅正！
令人驚喜！見慣幾位做新聞嘅嚴肅專業形像；而每段對白與及一個接一個講嘅場景，感覺係有用心去度！
嫻姐就覺得有3大原因值得like這個節目：
1. 內容有意思
大台平時播出的綜藝節目，來來去去就是介紹巴黎鐵塔這些看到反白眼的景點，或是美女主持嘻嘻哈哈飲飲食食，陪我食隔夜飯。
《世界零距離II》卻完全不同，每集半個鐘，深入淺出介紹當地獨特文化、歷史、時事、風情，有深度又不失趣味。每睇完一集見識都增長不少，嫻姐實在忍不住要說：
我今日真係學咗好多野！
2. 方東昇旁述風趣
《世界零距離II》的旁述，主要由方東昇演繹。方東昇既保留住大家熟悉的「主播控」，又不時爆出歌詞、爛gag，但其實嫻姐覺得一啲都唔爛，有時仲驚笑得太大聲會吵醒皇帝仔。
以下節錄幾句嫻姐精選：
3. 主持人夠專業
節目有3位主持人，分別是方東昇、黃曉瑩和陳沛珈，3人均是記者出身，形象專業。好多人可能無留意到，其實整個節目由資料搜集、寫稿，到訪問、拍片，全部都是3人一手包辦！
嫻姐數學唔好，3個人應該有6隻手包辦。
換言之，全程無攝製隊幫忙，靠6手6腳砌掂整個節目，效果隨時跑嬴其他節目幾條街，唔like對唔住自己啦！
有網民希望節目可以在台慶得獎，嫻姐查過新聞部製作的節目從來都無得過獎。如果大台想挽救台慶收視，都不失為一個方法。
撰文 : 都市嫻情
