5條男人最怕女友問的千古難題

City 17:08 2015/10/21

分享:

相片來源:TVB截圖

只要有一個女朋友,你每天都要格外提神,因為可能會隨時被世紀難題秒殺。

雖然阿潮今日放假,但竟要過五關斬六將,因為世上最難答的問題,阿潮竟然一日遇到,還要「打大佬」。

Level 1:「你知唔知今日乜野日子?」

難得放假,阿潮當然躲在被窩,但一大清早便收到BB豬電話:

BB豬:「你知唔知今日係乜野日子?」

 

阿潮:「重陽囉!你想一齊去拜山?」

 

BB豬:「拜山?洗唔洗我幫你上多幾柱香?」

死了!睡眼惺忪的阿潮一時口快快,開始感受到電話對面傳來的怒氣,怎麼辦?一定要給正確答案!

阿潮此時轉數快過超級電腦,心想:

第99次拖手仔失敗紀念日?第520次麥記拍拖紀念日?

 

不,BB豬最重視的一定是她生日,但上月不是慶祝了嗎?難道是農曆要慶祝多一次?還是生日後一年紀念日?

死啦死啦!BB豬已不耐煩,阿潮唯有出絕招萬能Key:

係同你一起走過畢生難忘的日子中最最最特別嘅大日子,我十分期待為今日慶祝。而家每一分每一秒,我都覺得係永恆一樣。

阿潮沒有打冷震,因為真的「畢生難忘」兼「度秒如年」,結果她說:

吓?今日係我隻狗阿狗死忌,你竟然仲慶祝!

Level 2:「你覺唔覺得我有乜野唔同?」

結果,在被電話轟炸十次後,BB豬覺得無聊,所以最後約我出來悼念「阿狗」。不過卻是惡夢的開端......

BB豬一看見我便問:

你覺唔覺得我有乜野唔同?

糟了!這條問題簡直難過小學TSA,阿潮完全呆了:

難道是化了妝?但她有卸過妝嗎?

整了容?但我又不是醫生不懂檢驗......

肥了?我還不想死......不過又好像肥了少許......

BB豬開始不耐煩,阿潮決定搏一搏:

你的氣質好唔同......

BB豬開始黑臉:

錯哂!好明顯啦!我頭髮剪了2mm!是2mm!個髮型師用間尺幫我度咗做0.2cm都比我鬧,一定要跟足雜誌嫁!

幸好阿潮不懂剪頭髮,眼看勢色不對,又要出絕招:

知唔知點解我察覺唔到,因為我只顧住望你個樣,已經留意唔到其他野。

沒錯,光望着她的黑臉,我已不敢再望其他東西。

Level 3:「今日食乜野好?」

說到這裏,BB豬開始肚餓了,她突然繞着阿潮的手,睜大雙眼扮Kawaii 地問:

我地今日食乜野好?

不安的感覺開始湧過來:

阿潮:「中國菜?」

BB豬:「日日都食嫁啦。」

阿潮:「日本菜?」

BB豬:「又係日本野!我前幾天去日本食到有少少厭!」

阿潮:「泰國菜?」

BB豬:「唔想食,你見唔到我塊臉想爆痘咩?」

阿潮對此問題早有準備,預備終極答案:

不如你話事啦!

結果又被一招秒殺:

我無乜所謂,你話事好啲!

要知道,女朋友叫你話事即是「你唔話得事」,如此下去,拖到佛誕也不會有飯吃,阿潮唯有冒生命危險,推出二選一:

一係美國菜,一係韓國菜。

但是BB 豬再來秒殺:

你而家即係逼我揀啫?

Level 4:「如果我跌落海,你救你阿媽先定我先?」

經過一番苦戰,BB豬最後頂不住肚餓,跟阿潮去Cafe,不過是 Cafe de Coral (大X樂),正當阿潮準備吃飯之際,BB 豬突然又問:

BB豬:「如果我同你阿媽跌落海,你救你阿媽先定我先?」

 

阿潮:「你阿媽。」

 

BB豬:「唔好玩,我要認真的答案。」

嘩!這個認真起來簡直是世紀哲學難題,相信有10個博士學位,寫過200篇超級影響力論文的教授都唔識答,不過不要緊:

阿潮:「唔緊要!你識游水!」

 

BB豬:「咁你啊媽都識游水啊!假設我地同時抽筋就快沉,假設仲有隻大白鯊游緊來,假設你淨係可以救一個,假設......」

去到這個地步,答甚麼也沒有用,阿潮極速決定:

我唔識游水喔!

結果,這一句足以令阿潮陷入終極難關。

Final Level:「你愛唔愛我?」

BB 豬呆了一呆,然後臉開始紅過關公,頭頂冒煙,然後用力地擠僅有的一滴眼淚出來:

其實你愛唔愛我?問你少少問題都諸多推搪!你剛剛遲了0.01秒先答我!

去到這個地步,相信想也不用想,阿潮立刻開口,但誰料此時一個阿姐搶先走過來問:

你個飯仲『愛』唔『愛』?

 

愛!我愛!

接下來的故事,相信大家也猜得到。

撰文:潮人

我叫阿潮,係一個人,來自潮洲。低調啲可以叫阿潮,俾面就叫聲潮人,鍾意寫潮文,香港發生咩事我都寫,潮文乜乜乜。

撰文 : 潮人