陳凱琳搭港鐵學做戲：希望別人給我肯定

2013 年港姐冠軍陳凱琳（Grace）可說屬於「人生勝利組」，名校出身、富裕家庭，並獲網民封為「近10年最靚港姐」。跟她做訪問，近距離相見，很的確很易被其清純氣質、標緻美貌懾住。

Grace 在《殭》劇扮演有失語症的大學畢業生藍夢瑤，劇內她不開口說話，只是經常要用 memo 紙跟人溝通，演出內斂低調，跟她上一部劇《張保仔》中的演出風格，有極大差別。她分析說：

這個女仔不是啞的，只是經歷過很大恐懼和創傷，而選擇不說話；演出時，我要留意不可以過度使用眼神。不過，到劇集中段，她會努力克服障礙，重新說話。

她坦言自己要在演藝這一行發展，也要克服一些心理障礙。

我衰在好想聽其他人意見，希望別人給我肯定，我未至於是完美主義者，但都希望有高分。所以，若觀眾給我的反應不是我心目中的好，我會責備自己。

之前都無上網睇 forum，因為（《張保仔》及《殭》）太多 noise 先睇。今次，好彩我的角色唔係主角，壓力也會少一點。不過這一點，我要慢慢克服。下次有機會做主角，唔通我話唔做咩？

▲ 雖然《張保仔》口碑不佳，但陳凱琳認為拍攝過程挑戰她體能極限，令她有得著。

去年，黃秋生一度點評陳凱琳演《張保仔》時小動作多，Grace 說明白對方的批評是出於善意，但無可否認今次《殭》播映前，大為緊張，幸好，家人及男友給她很大精神支持，她說：

有部分人的意見未必完全正確，最緊要是自己睇番來分析錯處。

拒絕痛苦單戀

Grace 因為拍《殭》跟謝安琪熟絡了，還和陳嘉寶和賴慰玲成為好姊妹，更因此劇和鄭嘉穎成情侶，故此她不諱言《殭》令其在感情上有很大得着。但藍夢瑤一角的愛情觀，卻令她大惑不解，難以接受。

劇中，我和嘉穎的角色關係，是我好鍾意他，但他唔係好鍾意我。（我會問）點解個女仔會咁傻，為咗個不愛自己的男人搞到咁痛苦呢？最大挑戰是，我都要說服到自己接受個角色的想法，因為我個人好理智。

我未試過（單戀）啦，如果係我，我鍾意的男仔唔鍾意我，我是會放棄的。但這角色為咗個男人，連家人朋友都犧牲，我一定做唔到。

▲ 在《殭》，陳凱琳單戀鄭嘉穎，現實中，二人因朝夕相對而擦出愛火。

現實中，陳凱琳本人確是比其演的角色遭遇幸運得多，被認為是「人生勝利組」。

唔係大家覺得我表面樣樣都好好，就代表我真係咁。最緊要都是（自己的）心態。

雖然是圈中有錢女，陳凱琳卻不做出入有司機接送的「堅離地」大小姐，反而不時搭公共交通工具，還試過被傳媒拍下獨自在港鐵車廂的照片。Grace 笑說不拍被人認出：

我盡量低調的，通常都會載頂帽，真係無人騷擾我喎。我試過由銅鑼灣去中環都可以塞車45分鐘咁耐呀！

▲ 陳凱琳自言會搭公共交通工具，搭港鐵還找到演戲靈感。（攝影：黃建輝）

因此寧願迫在港鐵車廂，也不願坐私家車忍受塞車，得着就是愈來愈熟習香港的環境，而對於她這位演戲新丁，還有一大好處。

有一次我搭港鐵時 諗緊有個角色應該點做，咁？我見到有個女仔和朋友傾偈，看到她（的神情和打扮），我即時找到演戲靈感。

說不定，下次大家搭車時會遇到 Grace 呢。