黃婉曼皮膚白滑心得:牛奶當水飲!【有片】

休閒 16:49 2016/04/21

分享:

前天氣女郎、嫁了個好老公成為人妻的黃婉曼,平日經常以靚靚造型示人,原來她對美容及 Keep Fit 好有心得,她認為食物很重要,三餐相當講究,早餐必飲牛奶,因為營養豐富,會配麵包、麥皮或半生熟烚蛋。

午餐反而食得最豐富,因有整個下午消耗熱量,故她喜歡食乜就食乜,最愛雲吞麵或鋸扒。晚餐有時會在家煮,想知她煮乜?可留意段片!

黃婉曼皮膚白滑,原來會牛奶當水飲,閒時亦會飲蜂蜜水、紅棗茶,還有一個經常飲的靚湯,黃婉曼會在片中話你知。

被不少宅男視為女神的黃婉曼,當然有不少男士追求,最終接受現任老公成為真命天子,全因老公識揀第一間約會的餐廳,因燈光昏暗,黃婉曼笑言矇矓下大家都靚仔靚女咗!想要知係邊間餐廳,同埋又要知女神以前試過約會的蝦碌事,大家可以在片中尋。

黃婉曼美容飲食心得,點解飲牛奶當水飲,靚湯水佢最鍾意係乜?

黃婉曼拍拖趣事,同老公去拍拖去了邊間餐廳?男女約會用膳,男仔點先討女孩子歡心?

撰文 : 招美寶 TOPick記者