大閘蟹放題攻略 任食90分鐘如何回本?

休閒消費 13:37 2016/10/04

分享:

秋風起,蟹膏肥,是時候食大閘蟹了!近年不少酒店食府及餐廳均推出了大閘蟹任食套餐,令一眾嗜蟹之人趨之若鶩。

TOPick搜羅了4間現時有推出任食太湖大閘蟹套餐的餐廳資料,包括價錢、限時及產地等,剖析哪一間最抵食!

1. 皇冠假日酒店「紫粵軒」

位於將軍澳的皇冠假日酒店,旗下食店「紫粵軒」已連續第3年推出任食大閘蟹套餐。今年的「大閘蟹膏瘋會」,以太湖大閘蟹作招徠,聲稱每隻蟹未煮前4至5両重,據悉3日內就有逾2000名客人預訂。

價錢方面,周一至四成人價$458,周五至日、公眾假期及其前夕則收$488(未計加一及茶錢)。雖然收費較貴,但吃蟹時間不限,直至9:30pm last order前仍可任點任食;另外亦有5種不同煮法的大閘蟹,包括清蒸、風沙及冰鎮黃酒3種口味,另外亦新推了「籠仔荷香蟹粉糯米蒸大閘蟹」、及「燕窩蟹粉糯米蒸大閘蟹」兩種口味。

現場仍有薑茶提供,但今次就沒有了去年的拆蟹師為大家在現場拆蟹。

【延伸閱讀】大閘蟹上市 專家8字口訣教揀「絕世好蟹」

2. 帝都酒店「帝玉庭」

同樣提供任食太湖大閘蟹的沙田帝都酒店「帝玉庭」,今年「滋味『蟹』逅」任食套餐,周一至周四、周五至日、公眾假期每位成人分別收費HK$438及HK$468,用餐時間亦未有特別限制,愛蟹之人可在供應時間的4小時內吃足4小時!

除了最傳統的清蒸大閘蟹外,亦有3款創新口味,包括麯酒浸大閘蟹、伯爵紅茶大閘蟹及黑松露大閘蟹,另外套餐亦包每位一客蟹肉雞茸雪燕羹及即泡薑茶。

【延伸閱讀】任食大閘蟹啖啖膽固醇 每日最多食幾隻?

3. 上海新大眾大閘蟹專門店

早前曾舉辦「大閘蟹小姐」選舉的「上海新大眾大閘蟹專門店」,在旗下的5間分店均推出75分鐘任飲任食太湖大閘蟹放題。成人收費視乎蟹的両數而定,周五至日及公眾假期及其前夕要再加10元:

  10:00pm前 10:00pm後
太湖約3両半 - 4両大閘蟹公+太湖約3両蟹乸 $268 $248
太湖約4両半 - 5両大閘蟹公+太湖約3両半蟹乸 $348 $318
太湖約5両半 - 6両大閘蟹公+太湖約4両蟹乸 $528 $488

如果擔心只食大閘蟹會太「寡」,該店亦有一些蟹類菜色提供,包括蟹粉水餃、生滾大閘蟹粥、生炒蟹膏臘味糯米飯、蟹粉扒時菜;另外亦可任食薑茶小丸子,及任飲薑茶和汽水。如要任飲「古月龍山陳年花鵰」,就要另外再付48元。

4. 蘇記大閘蟹

在荃灣及九龍灣設分店的蘇記大閘蟹,於即日至10月8日在荃灣店推出75分鐘任食的$98元大閘蟹放題,收費為4者中最抵!不過,任食每天只限額30位,不設訂位,優惠以派籌形式發放,客人須於5時領籌,先到先得。

該店提供3至4両的太湖大閘蟹任叫任食,雖知今年大閘蟹因天氣影響,出現失收情況,來貨價貴了不少,3至4両的太湖大閘蟹每隻約賣$50,就算這個$98的放題加埋一,都只是$107.8,食夠三隻已回晒本。

【延伸閱讀】98元任食太湖大閘蟹 食三隻足夠回本

如果趕不及食98元放題,正價任食限時則延長王290分鐘,按時段入座收費,如周五至日、公眾假期及假期前夕要再加10元:

  10:00PM前入座 10:00PM後入座
約3至4両蟹公+蟹乸 $238 $198
約4至5両蟹公+蟹乸 $328 $298

一邊食蟹時亦可順道打邊爐,有「胡椒豬骨大閘蟹鍋」及「花膠魚肚大閘蟹鍋」兩種湯底,配料亦有19種選擇;另外薑茶亦屬任飲。

荃灣店供應完畢後,九龍灣店會接力推出這任食優惠,日期為10月9日至10月22日。

至於如何揀出「靚蟹」,TOPick 早前亦曾請教了有「少年食神」之稱的,飲食節目主持林澄光(Michael)、廣隆行大閘蟹專門店老闆娘趙軍拆解箇中源機:

【延伸閱讀】食大閘蟹的4大誤區 「少年食神」教蒸出超滑蟹膏

哪個產地最正宗?

講起大閘蟹,大家馬上聯想到來自陽澄湖的品種最正宗,但原來已成歷史!廣隆行大閘蟹專門店老闆娘趙軍指,陽澄湖蟹供不應求,現已不作出口賣給外地,亦即是話,在香港售賣聲稱是「陽澄湖大閘蟹」的都不是真貨,大部分應來自太湖或其他蟹場。

想品嚐到最正宗的陽澄湖大閘蟹,就一定要親自到江蘇陽澄湖走一趟了!

愈大隻愈和味?

一般人認為,大閘蟹當然是愈大隻愈好,其實重5両至6両已是最上乘選擇。趙軍解釋,「巨無霸」款的大閘蟹重7両至9両,產量少、選擇不多,品質自然參差,5両至6両的大閘蟹剛好在蟹場培植約1年,當造而且產量十足,自然選擇較多。

如何揀出新鮮的大閘蟹?

一般門市售賣的大閘蟹都被水草捆綁,食客不容易用肉眼判斷新鮮度,最簡單的做法就是輕觸蟹殼近眼的位置,若大閘蟹「眼仔碌碌」轉動眼球、或縮一縮眼睛,即代表生猛、新鮮!新鮮的大閘蟹,綠黑色的蟹身顏色要夠深,但腳上的蟹毛要帶金紅色。

其次可以睇蟹肚,品質好的蟹肚會帶「水鏽」淡黃色,按下去結實、漲身代表新鮮有肉。

最後可以用手按動蟹爪、蟹腳,呈彈身的則多肉肥美。

【其他熱話】生腸不是豬腸 豬粉腸又是甚麼?

【其他熱話】紀律部隊面試失分位逐個捉

【其他熱話】一包即食粉麵有幾多種添加劑?