貓舌餅 VS 香蕉蛋糕 日本8大零食手信推介

每次遊日都會買零食手信回家，以前會在旅遊景點買，現在改在回程的機場買，入閘可免8%稅項，慳得一蚊得一蚊。老實說，包裝精美的日本手信，好些是「外強中乾」伏味濃，過甜的和菓子香港人似乎不大受落；但亦有不少深受大家喜愛買完又買。以下8款，有新有舊，你最喜歡邊款？

【延伸閱讀】遊日免失禮 10個必要知生活禮儀

1.Tokyo Campanella貓舌餅

Tiffany blue 的盒子，在芸芸盒裝手信中格外吸睛。曾榮登東京手信Top 5，長形的曲奇餅其實名為貓舌餅，有朱古力及白朱古力味兩種味。成分有雞蛋、牛奶、小麥及大豆，組合成3層夾心薄片，部分僅為1.5mm，食落口輕飄飄的。

筆者試過確實好味道，不太甜、朱古力味濃厚、脆脆的無厚實實的曲奇餅咁heavy，忍不住一塊接一塊吃。網友大多有讚無彈，難怪成為近年手信新貴。

2.UHA味覺糖KORORO

KORORO驟耳聽起來就是咕嚕嚕，名字可愛，約一年多前面世。最先出是紅提子與青提子兩種，圓碌碌的彷生果造型，很多人一食驚為天人說：，好~似~提~子~呀！

其後種類愈出愈多，士多啤梨、藍莓、橙、桃味等，林林種種。各人對此糖的感覺也頗極端，有覺得水果味道逼真，有認為味道假兼口感麻麻，味道這回事，從來個人。

3. 東京香蕉

東京最具代表的手信，最初是淡黃色的蛋糕包裹香蕉蓉，其後演變出萬千「花臣」，朱古力味、焦糖味、士多啤梨味、楓糖味……蛋糕面上的圖案亦玩到花款多多，而且部分以期間限定出售，俘虜喜愛嘗新的人。

但一些人會嫌東京香蕉過甜，且它食用期短，買後記得盡快食。

4. Kit Kat

日本的Kit Kat真令人眼花繚亂、目不暇給，地區限定、季節限定，總有方法要你掏出腰包。而且，似是任何食物都可製成Kit Kat，順手帖來有杏仁豆腐、番薯、薄荷、清酒、芥茉、夕張蜜瓜、南瓜、芝士蛋糕……數之不盡。

筆者覺得有點過甜，況且某些期間限定版賣600円，感覺有點貴。

【延伸閱讀】遊日免失禮  揸筷子有10戒

5. 名古屋蝦餅

坂角総本舖出品，開業至今已經120年了，標榜以本地捕獲的鮮蝦為原料製成，打開已聞到蝦味，食落都好有蝦味。當手信大多是甜點外，反而這款蝦餅以鹹度適中、脆脆哋成為賣點。

6. Hiyoko「雞仔餅」

全日本皆見其蹤影，人氣強勁。在薄薄的外皮下，是白豆、蛋黃及砂糖等混和的餡料。雖則造型很「卡娃兒」，但個人意見是味道偏甜。

【延伸閱讀】GU置裝1000円有找 會員再平幾百円

7. 薯條三兄弟

在機場的手信店，此產品是頭號掃貨目標，不時見到疊得高高的盒裝手信，惟獨「薯條三兄弟」缺貨，可見深受中、港、台遊客歡迎！
薯條炸得香脆，難得唔會過乾，薯香四溢，很有水準，雖然有人指卡樂B Jagabee差不多，筆者還是鍾情「薯條三兄弟」。

8.LeTAO 芝士夾心餅

由 Mascarpone Cheese及Cream Cheese兩種芝士製成，夾入芝士夾心餅中，確係「芝」味濃郁，小小一塊令人食唔停口。筆者覺得其實幾似北海道另一名物「白之戀人」的變奏，不過全部成分都變了芝士。

這產品已在香港LeTAO有售，大家不用去日本才品嘗得到。

【其他熱話】旅行慳得一蚊得一蚊　點搭機場巴士最抵？

【其他熱話】搭廉航前必睇 坐太平門旁有著數？

【其他熱話】一蘭以外的選擇 日本唯一米芝蓮拉麵店「蔦」

【其他熱話】旅成田機場必買手信 年輪蛋糕 VS比卡超

【其他熱話】日本通林慧美教浸溫泉    點解唔好用肥皂沖涼？