鄭丹瑞：Sorry是一句廢話

「Sorry sorry，遲咗少少，唔好意思！」「Sorry sorry，我部電話無電，可唔可以借個叉電寶叉個電？」可有計算過，這輩子講過幾多句sorry？有幾多句是出自真心？又有幾多句是不情不願？有人講sorry當食生菜，明明道理在自己手，但形勢不夠人強，惟有講句sorry才可脫身，也就顧不得甚麼尊嚴、甚麼道理，自保要緊。

不少人已將sorry變成口頭禪，講了等於沒有講。更加有不少人強迫別人陪他一起講sorry，理由是「講咗又唔會死人嘅！」有種人，平時開口埋口都會加一句半句sorry sorry，以示自己是謙謙君子，偏偏就在最需要講sorry的骨節眼，打死也不肯講。

這種人，要不是有頭有面的公眾人物，要不就是手握大權的首長高官，他們打死不肯講sorry的原因，有的是怕講了會帶來法律責任，有的是怕講了會失去既得利益，有的是把說話講過了頭，收唔番！

需要我舉例嗎？鉛水事件，有人站出來講一句「Sorry sorry，係我哋官官相護、疏於職守」嗎？流會、拉布、休會，有人站出來講過一句「Sorry sorry，我哋辜負咗全香港選民嘅期望」嗎？鴨脷洲口音事件，有人站出來講過一句「Sorry sorry，其實我係侮辱緊大家嘅智慧」嗎？多麼的諷刺，一個大家都經常掛在口邊的英文字，講得太多了，已失去其真正意義。

我認為，英語辭典應該把這個英文字刪除，因為「sorry」已經成為廢話。

【其他熱話】拆解糖衣真相　果汁軟糖是動物屍骸骨？

【其他熱話】家長憂中文科80分太低　張欣欣開小一補習班

【其他熱話】UberEATS請「步行外賣員」有幾筍？