場邊故事：美國總統大選冷知識　為何總在星期二投票？

點解投票要在周二工作天？

以前美國係農業社會，大家星期日要返教堂，星期三就要趁墟，所以定在周二投票，農夫投完票還有時間回家執作物翌日去墟市。而定在十一月，同樣是農夫在秋收後較清閒，又未到冬天惡劣天氣難於出門。

點解選舉期咁鬼長？

英國選舉4個月內搞惦，加拿大兩個半月，但美國總統選舉期長到連美國人都覺得悶，由於美國兩大主要政黨民主黨同共和黨提名候選人要由50個州的初選開始，單是這個程序由二月開始已經要5個月。一般候選人花一年去預備初選，其至更早，沒有法例規定一個選舉工程的時間，因為，呢樣都係自由。

假民主的香港特首選舉，不用理會普羅市民，只對1200個選委拉票就得，由提名結束到投票，26日搞惦。

點解民主大國得兩個政黨？

其實美國有數不盡的政黨，有綠黨、自由黨、社會工人黨，其至即時大麻合法化黨。不過大部分時間美國都只有兩個主要政黨競逐白官主人，今天就是民主黨同共和黨；在19世紀中期就是民主黨跟輝格黨（Whig）。因為美國選舉是贏家贏晒的制度，不似其他國家取得兩成選票就可取得國會議席，細黨冇掟企。

咩係贏家贏晒制度，美國選舉不是美國人一人一票選出來的？

對！真的不算是！

美國人可算是間接選總統，中間還要經一個「選舉人」制度。

• 「選舉人」由每個政黨自己提名
   
• 「選舉人」數目有538票，等如國會議員數目
   
• 每州的「選舉人」數量根據人口而定，所以黃石國家公園所在的懷俄明州得三個「選舉人」票，而紐約州就有29
   
• 當候選人 A 在紐約州取得最多投票，他就可全取29張「選舉人」票
   
• 任何一個候選人取得538「選舉人」票過半數，即係270票就會當選。

有冇候選人支持嘅選民人數多但做唔成總統？

有，選民總票數高但「選舉人」票低的情況，歷史上發生過4次，最近一次係2000年，由共和黨的小布殊對民主黨的戈爾，戈爾全國得票比小布殊高，但就輸了選舉人票，最後戈爾選擇尊重憲法以及最高法院的判決認輸。

係未任何人都可以參選總統？

係。美國憲法列出的條件非常簡單，只要年滿35歲，在美國住滿14年，是「原生公民」就得。咩係「原生公民」？ 就按大眾理解為實，憲法唔會咁仔細講明，憲法亦都唔可以隨便被有權力嘅人去解釋嘅，國會同法院同樣冇需要去清楚解釋過，所以總有人出來質疑奧巴馬。不過在民主社會，龍門唔會隨意搬，呢啲質疑嘅聲音冇影響美國憲法嘅權威，奧巴馬亦快完成總統任期。

【其他熱話】結婚擺酒碌卡4.4萬元　賺雙人馬爾代夫蜜月之旅

【其他熱話】SOGO周年慶血拼指南　半價搶購 Le Creuset

【其他熱話】髮型師教你正確洗頭防脫髮 啤酒潤髮最天然

全文刊於場邊故事，獲作者授權轉載。

標題經TOPick修改，原題為「美國總統大選 ABC」。

文章資料來源：CNN