藝人點過聖誕節? 首選在家開Party【有片】

過聖誕，食大餐、睇燈飾、去派對還是玩交換禮物？節目何其多，以下 4 位影視界 KOL 各有其過節食買玩水心介紹，歡迎對號入座作參考。

坤哥：跟伴侶食快餐

食：不一定要吃好豪華的大餐，反而可跟伴侶或心儀對象去食快餐店，如對方在大時大節仍不投訴，證明大家是真心付出的。

買：如果一般聖誕抽獎禮物，可考慮送手機充電器，因是現今世代必需品，多一個不嫌多。

玩：我鍾意人多擠迫，所以聖誕元旦會去大型商場參加倒數，感覺非常溫暖。另外，我很喜歡屋邨街坊情懷，故放假會去富特色的屋邨如南山邨、彩虹邨逛逛。

坤哥也特地為TOPick送上自選聖誕歌，去片聽他親自唱：

呂慧儀：開party整火雞

食：每逢節日和屋企人一齊開開心心食餐飯已很足夠，聖誕 party 最好有火雞。

買：我買了一本關於火車的故事書給兒子，是他自己揀。若老公送花給我，會好開心，因為平日都有插花，花對我來說好實用。至於交換禮物，傾向選實用的禮物，如寢具或毛巾。食物也不錯，試過有次交換禮物抽到餅乾，當場跟朋友分享，是很開心的事。

玩：因為我兒子仍然細，不想帶他出去迫。雖然睇燈飾好有聖誕氣氛，但未必會帶他出去，可以的話會去朋友屋企開 party，有聖誕樹，又會交換禮物。

▲ 嬌俏的「長腳蟹」呂慧儀近年事事以老公和兩歲多的兒子「蟹籽」為重。（經濟日報圖片）

張曦雯：美式聖誕大餐最正

食：平安夜或聖誕節一定要吃西餐，要有火雞、薯蓉，甜品就要有蘋果批、聖誕曲奇、意粉，總之是美式大餐。

買：我會買一些不是很實用、對方又不捨得買的東西，試過買手錶給爸爸，雖不是太名貴，但那是我第一次買靚錶給他。至於我今年就收到一架相機，幾個朋友夾份送給我。

玩：香港的商場、大廈外牆的燈飾很漂亮，美國街頭不及香港熱鬧，但屋企的氣氛很好，通常都有好大棵聖誕樹，所以我喜歡留在家跟最 close 的朋友家人過聖誕。

▲ 靚女張曦雯（Kelly）主持明珠台《港生活．港享受》常出入高級餐廳；但聖誕她就喜歡低調簡單，親自下廚。（facebook圖片）

魏綺珊：捐錢做善事

食：每年聖誕期間，我必定會找一天和丈夫在家吃飯，自己煮，靜靜哋，不出街。

買：這兩年有少少改變，不再跟朋友玩交換禮物了。現今社會物質豐富，得物無所用就更浪費；如果要送禮物，我會用朋友的名義捐錢予慈善機構。

玩：平時各有各忙的朋友，趁機一年聚一次。當人人都做夜貓子睇燈飾、開 party，我已約好了朋友在今年聖誕期間到郊外遠足。

▲ 魏綺珊是自由身，其實放假、節慶對她沒有分別，放假寧願行山。（facebook圖片）

【其他熱話】網上食評人推介聖誕自助餐 邊間甜品最正？

【其他熱話】日本福岡聖誕燈飾 首選博多光之街【有片】

【其他熱話】2016年十大娛樂新聞 黎明開Show致命復活

【其他熱話】龍蝦點分公乸？大廚教5分鐘煮波士頓龍蝦