窮L過聖誕　 200元拍拖攻略

聖誕將至，情侶們當然想過甜蜜聖誕，但商家總愛在佳節期間順道加價，大出血看似在所難免。如何能在佳節不被劏至「一頸血」？

TOPick計劃了一個低消費過聖誕的行程表，看看是否合你心意！

• 下午2點：與靚爆商場內燈飾selfie

費用：$0

去商場不一定要Shopping，與靚靚聖誕樹自拍Selfie 亦是一個好活動。當然由下午出發可慳回Lunch 一筆。

今年多個商場依舊有充滿聖誕氣氛的布置，例如時代廣場設室內雪場，除可感受飄雪效果，家長亦可以陪小朋友玩掟雪球、溜滑小山坡、滑雪、砌雪人等。

【延伸閱讀】聖誕自拍呃Like 地點　在香港過白色聖誕

位於荔枝角的D2 Place亦有首個戶外極光飄雪體驗，有極光亦有飄雪，夠晒聖誕氣氛。其10樓的天台花園雖然下午亦可進入，但其亮燈及飄雪時間由下午6時開始，如要特意欣賞其效果，可再在晚上重臨欣賞。

只要帶備相機，或用智能手機，不但可以和女友合照、留下甜蜜回憶，二來更可以幫對方影幾張靚相，讓她post上instagram或fb「曬幸福」，氹得對方開心時你又開心，絕對一舉兩得！

▲ 相片來源：D2 Place

【延伸閱讀】大仁生活：聖誕15大商場大比併（上）

【延伸閱讀】大仁生活：聖誕15大商場大比併（下）

• 下午4點：扮文青行手作市集

費用：$100以下

位於荔枝角的D2 Place今年亦有市集，各式潮服、手作、飾物等等。場內有不少聖誕手工禮物，不少手作都100元有交易，各位男女朋友如未揀選聖誕禮物，不妨可帶另一半一齊揀手作。

• 下午6點： 鬧市看日落

費用：$0

在浪漫節日拖住手看夕陽亦是一個好選擇，看日落不一定登山遠足，其實深水埗亦有欣賞日落的地方。

位於深水埗巴域街附近的嘉頓山，僅高 90.6 米，一小時內就可登頂，難度不高又走至因靠近嘉頓麵包廠房，因而俗稱嘉頓山。

最簡單途徑，可由深水埗港鐵站，前往活化後的美荷樓青年旅舍，順著旁邊的晨運徑，沿著約 400 級石梯，就可登上山。

• 路線：美荷樓－－嘉頓山－－賽馬會創意藝術中心（或以相反方向走）
   
• 大約時間：1 小時
   
• 點去：可沿深水埗港鐵，由巴域街起步
   
• 泊車：石峽尾邨停車場

【延伸閱讀】15分鐘遠離鬧市 嘉頓山俯瞰斜陽日落

如果下午在港島區活動，香港島鬧市亦有隱世4大秘境。例如銅鑼灣避風塘除了乘船吃海鮮外，亦可乘船出海，登上提壩看夕陽！

首先到世貿中心乘電梯抵達地庫B1的停車場，一直前行並穿過人行地下道就可到達午炮。從隧道出來後，再往天后方向走，旁邊的小碼頭有船家會接載遊人出海到堤壩看風景。價格不定，小編出海那次就每人三十元，包來回程，只須在出海時記下船家電話，待回程時致電船家，船家就會將你送回避風塘碼頭。

【延伸閱讀】鬧市隱世4大秘境 銅鑼灣出海睇日落

• 晚上7點：葵涌廣場掃街 平食牛扒

費用：$30至$50 X2

即使「有情飲水飽」，但還是需要吃晚飯補充體力。葵涌廣場除了是買衫褲鞋襪的學生妹妹、仔仔、OL、C9之首選外，也是他們的覓食天堂。由地下至3樓，每層都雲集了各式食店。

首爾梨泰院Hit爆的牛扒杯，上面有即叫即煎的牛扒粒，配上多款時令水果和蔬菜，杯內則裝著汽水，可以邊飲邊食，實在方便貼心到不得了。

【延伸閱讀】葵涌廣場「搵食」攻略　$30食韓國至Hit 牛扒杯

其實場內亦有不少平價食物，例如平絕全場$7芒椰奶西，一定可以食到飽！

【延伸閱讀】日式班戟VS 酸辣粉 葵涌廣場6間人龍老店

• 晚上8點半：尖沙咀影燈飾睇夜景

食完飯後在尖沙咀商場、景點幫女朋友影女神相打卡呃like，布景要浪漫有浪漫、要可愛有可愛，重點是費用全免。

想影室內景，尖沙咀K11今年有《坐井觀天 A World in a Well》的主題布置，主體結構由超過四十個廢棄陳舊的門窗組成，金碧輝煌。女朋友鍾意IQ博士的話可以帶她到The One，幫她同小雲小吉影相過聖誕。

講到燈飾靚景，海港城每年都會大肆布置一番。今年於海運大廈露天廣場外擺放了過百個「小雪翁」，身上花紋不一，配上燈飾浪漫又溫馨，影相放閃閃過燈飾﹗

▲ 相片來源：Harbour City facebook

時間充足的話不妨行行海旁，一邊睇維港夜景吹吹海風，一邊聽Busking，過個浪漫聖誕節。

最後，埋單計數，即使計埋交通費，全日消費亦只需約200多元！不過，相信在不少女士心目中，聖誕節是一個比情人節還要浪漫的節日。所以男士們要識做，節目上慳完錢、唯有留在買聖誕禮物時破費了！

【其他熱話】台灣藥妝店10大最好賣產品 遊台必掃SOFINA

【其他熱話】Tim Cook 日看700封電郵　CEO處理Email 有辦法

【其他熱話】嬰幼兒語言發展標準 兩歲不懂說爸媽正常嗎？