梁啟智：港鐵每程97折優惠 數學常識大挑戰

港鐵提出以每程九七折的新優惠，取代本來的第二程九折優惠，到底新優惠是否可令市民更受惠？學者梁啟智分析，新優惠無法令更多市民受惠，而且優惠比以往更少。

以下是他的Facebook全文：

港鐵提出以每程九七折優惠取代第二程九折優惠，並表示受惠人次將會大增。理論上，呢個講法冇錯，因為不是每個人每日都會搭多過一程，所以好多本來冇優惠的會變成有優惠。

不過，對於每日剛好搭兩次的人來講，Sorry，優惠會少咗而唔係多咗。點解？假設本來每程10蚊，在第二程九折之下，總和就係10蚊加9蚊等如19蚊；但係變成每程九七折呢，總和就變成19蚊4毫。要點樣先抵？再搭多程除返勻？Sorry，計到第三程，仍然係29蚊比29.1，都係舊制抵⋯⋯

唔想咁樣，可以點樣？係做就做到每程九五折，咁樣本來淨係搭兩程的人就唔會少咗優惠，本來冇優惠的人又可有優惠，大家都開心。冇錯，到時港鐵股東會唔開心，不過港鐵大股東係香港政府囉⋯⋯小股東唔滿意咩？回購股份囉⋯⋯

原文刊於梁啟智的網誌，TOPick獲授權轉載。

標題經TOPick編輯修改，原題為〈港鐵數學常識大挑戰〉

【其他熱話】網上瘋傳港鐵新罰款 MTR揭曉原站出入要付幾錢？

【其他熱話】天文台科學助理　教你賺盡港鐵優惠【有片】

【其他熱話】港鐵車費慳錢大作戰　拆解都會票抵用月份