愛妻號Chilam張智霖忍讓太太袁靚靚 夫婦相處點滴:不在兒子面前嘈

休閒 15:17 2018/11/21

分享:

張智霖表示有時會與太太爭論,但太無謂的,他都會收口。

張智霖(Chilam)早前傳他與太太袁詠儀(靚靚)在機場吵架,他日前出席活動時笑着否認嗌交,不過坦承平日會為家中芝麻綠豆的事,與靚靚嘈交,因為始終兩個人生活,意見有時難以一致,不過Chilam是好好先生,與靚靚爭辯時最後都會沉着氣,不會與太太撐到底。Chilam說︰「我牙尖嘴利,好有潛質做律師,嗌交我一定贏,但嗌贏唔會贏個關係,所以太無謂,我都會收口。」

雖然靚靚出名口才了得,但她終於遇到更強對手,因為兒子張慕童(魔童)遺傳了父母的口才,有時媽媽袁靚靚亦不時兒子的對手。現年12歲的魔童口才青出於藍,令父母甘拜下風︰「靚靚唔夠個仔拗,阿仔切入點好厲害,不過我盡量都唔會喺個仔面前同老婆嘈,會提醒自己,但有時都忍唔住窒老婆幾句。」

張智霖本身是佛教徒,他曾想過短期出家︰「我試過閉關,但我覺得自己仲心浮氣躁,所以未係時機。其實只係禁語三日都好難,先試下一日唔玩手機先。」

Chilam是公認的愛妻號男神,與太太袁詠儀(靚靚)結婚17年,仍然十分恩愛。靚靚袁詠儀早前上載與Chilam張智霖及囝囝張慕童(魔童),一家三口手牽手在夕陽下的非洲肯雅草原漫步照,十分溫馨。

現年47歲的張智霖公認是凍齡男神,且常要出埠工作,不但不花弗,更是出名對太太袁詠儀一條心的愛妻號。

張智霖與袁詠儀在1993年因合作電影《邊城浪子》擦出愛火,張智霖坦言,喜歡袁詠儀的直率個性,2001年,二人於美國秘密結婚,並沒大事張揚,當年連婚紗相都沒拍,故張智霖一直覺得對袁詠儀歉疚。

家中事交太太決定

外間常覺得袁詠儀個性較張智霖強,Chilam曾笑言家中事情都由太太決定:「大事聽我,小事聽她,不過家中好像沒發生過大事。」

2006年,兒子張慕童(魔童)出生,張智霖的演藝事業仍大躍進,這時袁詠儀成全職主婦,相夫教子。

張智霖接受TOPick訪問稱:「當有了家庭,便會自動自覺減少夜生活,家庭對一個男人是多麼重要。」

靚靚近年患甲状腺功能失調,張智霖悉心照顧太太。另一方面,袁詠儀堅持跟Chilam經常跑步做運動,令張智霖很感動。所以維繫一個家庭,雙方也要努力。

撰文 : 柴犬出動

欄名 : 柴犬出動