孫女患腦瘤面臨手術怕失憶 教78歲婆婆做連登絲打︰希望我可以好好生存

親子 11:00 2019/01/24

分享:

連登一名78歲婆婆在連登開post分享生活點滴,大受巴打絲打歡迎!

俗語話「活到老學到老」,最近連登出現一位自稱Snow的78歲婆婆開post,揚言有問必答,吸引不少巴打絲打留言支持。其實「Snow」是由婆婆和她的孫女共同開設,看似一件趣事的背後,原來兩婆孫隱藏著一份不捨之情。

連登絲打Snow以「絲,77歲,你問我答」為題開帖,最初各位巴打絲打都不信Snow已77歲,後來她上載連同會員ID的自拍照,力證是真「絲打」。

婆婆在連登甫開post,最多巴打絲打祝福她身體健康,婆婆多謝各位關心,並上載自己織冷衫的相片,非常保暖,她還介紹自己今晚食乜餸,勾起不少人對祖父母的懷念。

婆婆在IG潮玩#60yearschallenge。(相片來源︰snowpopo IG)

有巴打更向婆婆請教愛情問題︰

婆婆你覺得要點先係一個好女仔,同對而家速食式愛情有咩睇法?

婆婆認為女仔應該要斯文,做事正正經經,「依家啲女仔太放喇。」她又覺得新一代男女太貪玩,不顧後果,男女都應負責任。

除了學玩連登之外,婆婆很努力學習玩IG和WhatsApp,孫女細心為婆婆寫下教學,婆婆再將自己的學習進度放上連登,被巴打大讚好學!

兩婆孫明言會一齊看留言,有時孫女會負責代答。孫女解釋與婆婆開post的原因,因為自己右腦近視神經有個良性腫瘤,將會接受開腦手術,為留下與婆婆的特別回憶,就上連登開post,一旦自己失憶,都可以追post提醒自己。

婆婆有少少感冒,最近幾次覆診都平安,呀乖孫就今個月有幾次覆診,二月尾要入一星期院check腦,check完可能會安排手術,所以想再同各位巴絲傾下多啲計(偈)!

乖孫亦透露自己要加藥,感覺不太舒服所以少了在連登更新。雖然自己暫未有生命危險,但不時癲癇發作,小則見到閃光、影響視覺一會,大則可以無故暈倒。

講到開腦其實我都淆淆哋,又唔知使唔使剃頭,但為咗婆婆我會俾心機。

婆婆與孫女的感情要好,更曾助她走出抑鬱。孫女在大學時期曾罹患抑鬱症,有一段時間沒有工作,經常上婆婆家作客,幸好婆婆對她的負面情緒十分包容,令她非常感動。

孫女希望大家見到老人家樂於與年輕人傾偈,俾心機學玩emoji,都能多一點關心自己家中的老人家。

我只係希望自己可以好好生存/生活,透過開post俾大家認識下,原來香港有一對咁嘅婆孫……喺度順便鼓勵一下情緒/身體有唔妥,或者任何一方面『唔正常』嘅朋友。