骨刺折磨公院排期等3年 女擬為父借「財仔」做手術:等到痛死都未見醫生

社會 19:05 2019/02/20

分享:

姚小姐爸爸患骨刺,但公院排期到等3年才見醫生,她坦言最壞打算要借錢到私院做手術。

痛症折磨,但公院排期看醫生閒閒地等3年!有爸爸患坐骨神經痛及生骨刺,早前獲私家醫生寫信轉介求診公院,但排期要等到2021年才第一次見醫生,女兒不忍父親受痛症折磨,等到痛死都未見到醫生,擬向財務公司借錢給父親盡快在私家醫院做手術。她慨嘆自己和父親都是土生土長香港人,在如此富庶城市,卻淪落如此!

姚小姐在facebook吐苦水全文如下:

我爸爸有坐骨神經痛同生骨刺
要日日食有嗎啡既止痛藥先可以行到路
睇完私家醫生之後寫左轉介信去公院
點知睇完門診之後得知淨係預約見醫生都要等差唔多三年
一知道個下即刻勁嬲
連見醫生都要等咁耐咁做手術咪等到2047年都未做到?
淨係見醫生都要等三年咁等到我爸爸痛死左都未見到啦
日日比d M字頭同R字頭逼爆醫院
而香港人淨係見醫生都要等三年
呢個政府係咪想叫晒我地d香港人去大灣區睇醫生?

姚小姐接受TOPick訪問指,爸爸現年48歲,半年間坐骨神經及骨刺問題惡化,治療已是刻不容緩,卻要等3年才看見醫生,

我爸爸依家就算食左止痛藥行路都痛到標眼水,每行半個鐘就要休息一次,成日食唔安、瞓唔落,再等我怕真係會更加嚴重。

姚小姐指,爸爸原本看私家醫生,但每周都要覆診,每次連診金連藥需約1500元,做手術亦索價10萬元左右,實在無能為力下才轉介去公立醫院。

她無奈指,原以為做手術才需排幾年,原來等看醫生也要排3年,走投無路下或需借「財仔」,讓爸爸去私院醫院做手術,

諗住借晒全額再慢慢還,估計都要十萬元左右。

姚小姐爸爸受坐骨神經痛和骨刺折磨,但公立醫院排期要等到2021年,姚小姐擬借錢讓爸爸在私家醫院盡快做手術。(姚小姐提供圖片)

姚小姐又坦言很激氣和震驚,認為問題或出自太多新移民,如果沒有這班人,看醫生根本毋須等這樣久。

她憤慨,自己和爸爸都是土生土長的香港人,不明白為何香港一個如此富庶的城市,醫療系統會出現如此問題,促港府不可以再繼續無審查、無限量湧入新移民,

申請完公屋又拎綜援,無付出過一分一毫卻搶人資源,對本港納稅人很不公平!

記者:勞佩欣