【CHILL CLUB】P1X3L沒被照肺盼開音樂會 Phoebus奪新人獎Marco暫未出Pool

娛樂 14:18 2023/05/08

分享:

分享:

P1X3L希望能開音樂會。

《CHILL CLUB 推介榜 年度推介 22/23》於昨晚(5月7日)在亞博舉行,頒獎禮繼續以「人人樂壇,音樂第一」為主題 。

由吳啟洋(Phoebus)、歐鎮灝(George)及葉振弘(Marco)組成的人氣男團P1X3L人氣愈來愈高,一眾Puzzle都很期待他們能開音樂會,三子亦表示開音樂會是他們一直的心聲。

【CHILL CLUB】AK拗柴Jeremy有圓滿新人年 姜濤感謝MIRROR兄弟教主感肉麻

(陳詠琪 攝)

Phoebus奪新人獎

Phoebus奪得「年度新人男歌手」銅獎,他表示:「自己真係完全冇諗過,頭先上到台......落到台之後就話對唔住啊,我真係一片空白。」Sica於頒獎時大叫Phoebus的名字,George表示:「好震撼!」Phoebus謂:「我被佢......」George為隊友發言:「震撼親。」

Phoebus指:「所以我成個人都未返嚟。我想多謝屋企人,除咗List上面嘅人外,我提醒自己一定要親口多謝你兩個。」George和Marco異口同聲地說:「WOW!」眼濕濕的George表示:「冇(喊)啊!有Feel姐!」Marco則謂:「差唔多㗎喇!」

Phoebus覺得很感動,「所以我係完全唔知上到去講啲咩,我覺得自己好唔成熟,應該唔好理大家,要講返一定要講多謝嘅人,但我上到去就噢!我問佢(Marco)可否Send返條片畀我。」Marco回應:「係啊,30秒講完喇。」

【CHILL CLUB】ERROR為背後男人濟哥謀福利 保錡承諾繼續努力Dee單飛邀恆仔寫歌

(陳詠琪 攝)

P1X3L盼開音樂會

談到George發文回應Phoebus表示P1X3L想開音樂會的事,George說:「唔係回應,純粹係支持下。其實開騷不嬲都係我哋心聲,又冇話專登隱藏呢樣嘢。大前提係最希望今年搞唔到下年都搞到騷。」Marco謂:「我都覺得係,我哋3個都好想出多啲歌搞多啲騷。因為始終我哋都好想做好音樂,希望下年有更好嘅成績。」

會否擔心公司不高興?Phoebus說:「未真係同公司有個洽談,但公司都好大方,頭先都係公司同事帶我哋嚟,大家都冇講啲咩。(Fans)有好多打氣和鼓勵的說話,所以真係多謝大家!我成日都覺得自己好幸運,有好多叫做唔如意嘅事發生,但係好多時我哋收到嘅都係鼓勵同支持。」

(IG截圖)

不怕公司照肺

問到會否擔心被公司照肺入雪櫃?George指:「唔會嘅。冇啲咁件事,公司好大方。」Marco說:「最多傾下偈。」

而Phoebus笑言:「搞到好似真係有咁。痴線!真係冇!唔會凍嘅,我哋鍾意著螻啊。」George笑謂:「可能係暖爐嚟呢。」

最新影片推介:宋芝齡專訪

Marco未出Pool

Marco之前拍攝的ViuTV真人騷《One Day 約會實況》大受歡迎,被問到是否已出Pool?Marco回應:「嘩!我都想!拍節目係拍節目,私底下嘅生活還私底下嘅生活,未必要關事,個節目令大家睇得開心就OK,學到好多嘢。」Phoebus取笑Marco:「得喇!A370。」George謂:「知你勁喇!」

Marco日前與穎琳一起開Live,被問到會否有發展空間?George隨即說:「穎琳好正!」Phoebus則問:「你哋開咗Live咩?」Marco承認:「我哋有開Live啊,嗰日好多人入嚟,你哋冇入嚟咋嘛。」

Phoebus表示:「好想睇返添。」Marco說:「冇啊,即刻Delete咗。我睇返自己啲嘢會覺得特別尷尬。個節目播出街我覺得OK,睇返自己就會尷尬。」

記者:梁樂欣

精彩獎賞活動等您發掘:https://bit.ly/3ClEy1R