CUT有線苦戰3個月　終於得咗！

20歲青年吳仕文去年因未能中斷有線合約闖入有線大樓傷人，昨被判刑。cut有線是一定難度，人所皆知，此固然不是傷人的理由，有TOPick讀者投稿，分享一段cut有線拖足3個月的經歷，以此安慰有相同感受的人，也期望大家面對同一情況，要冷靜！冷靜！

以下為讀者投稿全文：

學廣告話齋：「去迪士尼做足準備」其實CUT有線都要做足準備。

好多人說有線難CUT，但我成功了，我沒有去有線大廈、大叫「吳天海你同我出嚟！」，不過足足耗用了3個月的時間及心機。

我希望將3個月的經歷與大家分享，其實CUT有線真的毋須用劍。

2013年，英超播影權落入NOW手中，加上合約快到期，於是我二話不說決心CUT有線。早有聽聞有線難CUT，更有傳說連希特拉都CUT不到有線，於是我開始部署與有線展開一場拉鋸戰。

第一步：知己知彼　百戰百勝

合約始終並非話CUT就CUT，所以第一步必須致電有線客戶熱線，查詢何時完約。

留意！致電中止合約的部門，你只會聽音樂直至天荒地老，沒有人接聽你電話的機會率達至99.9%。所以，做人毋須太老實，致電新客戶申請熱線吧！保證不出3分鐘即時有人聽電話，快過淥杯麵！

當有客戶服務部員工接聽你電話，你要以快過飛人保特的速度說一句：「我要CUT有線！」

對方會被你突如其來的要求嚇窒，但隨即會回復推銷員的本性，以下3條問題，有線推銷員一定會問你，大家可以參考我當時的應對。

先生，點解唔續約呀？

當時我以「冇英超睇」為由要CUT有線，他便稱有多個運動節目台，羽毛球、桌球、排球。各位一定要堅持不可被動搖，只需要重覆「冇英超睇！」

除咗英超，我哋有好多電影節目喎！

無需理會他，只需要重覆「冇英超睇！」

不如考慮吓優惠組合？百幾蚊有好多個台可以任睇！

此時你要轉守為攻，問：

我份合約幾時到期？

對方便會死死地氣幫你查完約期，隨後你便可以收線，毋須再糾纏。

第二步：收集情報　從失敗中學習

CUT有線絕對是一門學問，只要在網上搜尋「CUT有線」，不難找到一大堆攻略。當時我花了約3天了解如何CUT有線，得出3大事前準備重點：

1.提早在合約期完結前1個月提交中止合約表格。

2.親自到門市取中止合約表格，切勿要求有線郵寄，極大機會寄失。

3. 最好準備幾張中止合約表格，防止有線「遺失」表格。

第三步：搵一部FAX機

填妥中止合約表格後，有線會要求客戶郵寄或傳真表格至有線。個人建議FAX較好，但不少朋友都指郵寄表格後音訊全無，白白又要多交一個月的月費。

FAX表格亦有很多要留意的地方：

1. 傳真號碼為 2112 8855。

2. 記下傳真的時間。

3. 傳真後即時致電客戶服務熱線，要對方核實即時收到，宜電話錄音作記錄。

最後要確保在4個工作天內收到確認信，否則你要即時致電客戶服務熱線查詢。如有需要，可即時再傳真中止合約表格。

第四步：歸還解碼器

據有線的條款，用戶必需於終止服務後三十天內退還解碼器、智能咭及解碼器遙控，若機件有故障或延遲交還，有線將收取額外費用。

留意！並非到荃灣有線電視大樓歸還，而是到指定的地址，記緊要注意營業時間，以免摸門釘。

緊記！歸還解碼器後要保留收據。

簡單而言，由查詢合約期、傳送中止表格、確認有線確實收到表格，直至完結合約後30日內交還機器，CUT有線必須預留3個月時間。

其實CUT有線又有咩好怕喎！最後，祝大家早日想CUT就CUT到！