怪獸子女:阿媽教落 裝飯是工人做

City 11:52 2015/07/28

分享:

暑假學生入營,又是怪獸家長及怪獸子女本性盡現的時候,繼「阿仔唔識剪腳甲 阿Sir記得幫幫手」後,「90後教師決戰怪獸家長」版主戴Sir今天(28日)跟進怪獸子女在營中的表現。

他稱,昨晚進食晚餐時,有學生拒絕用公筷,又有個學生用自己隻匙食完飯,直接用來舀湯飲用,完全沒有衛生意識。最離譜的是,有名女生進餐時堅拒自己盛飯,強調「阿媽教落裝飯係工人做,唔係自己做」。戴sir致電家長,但家長不以為然,反着戴sir要求校工、飯堂職員甚至同學仔幫手。

戴sir稱,今次入營的學生都是計劃參選學生會,但昨晚吃飯時,有個女同學堅持不肯自己盛飯,並不斷強調:

阿媽教落裝飯係工人做,唔係自己做

帶營的老師輪流勸說無效後,戴sir無奈下惟有做「烈士」致電家長求助,希望家長能勸說其女兒自行盛飯,但家長接到來電後,首先就是擔心飯餸不合女兒胃口,提出要送外賣入營

而家食飯時間喎,係咪啲飯餸唔岩佢胃口,係嘅話我可以call外賣去你度喎,佢鍾意食傻蛋漢堡丫

並指女兒沒有帶杯麵入營,因為揹囊裝滿了睡覺時要攬的公仔

阿sir如果佢唔食飯真係要叫外賣丫,佢無帶杯麵入去丫,因為個袋擺左塞滿晒瞓覺攬果啲公仔

戴sir說明來意:

飯餸ok嘅放心,我想講小朋友係想選學生會,所以入camp接受訓練,有樣野媽咪你之前教落佢,係屋企食飯就工人幫手裝飯,可唔可以暫時擱置呢個做法呢?

家長很爽快地滿口答應,同時要求校工、飯堂職員或同學仔幫手

當然可以啦,去camp冇工人嫁嘛,叫校工囉

飯堂職員呢?

咁其他同學仔呢?俾啲男仔幫手

戴sir仍未得及應對,該名家長再「發威」

係喎,果班友有幾個毒男勁多暗瘡,陣間傳染我女,都係唔好,阿sir你嚟啦。

故事的最後是,晚餐後其他同學仔都自行收拾碗筷,但該名女生依然翹起雙手,什麽也不做。