韓國開民宿師奶孖寶:香港邊有可能有咁嘅生活?

職場 17:01 2015/10/20

分享:

陳淑萍(左)、張綺蓮(右)(伍寶賢、孔慶初攝)相片來源:iMoney智富雜誌

年紀大不想再做旅行社,不想再飄泊周圍走,師奶做得啲咩?喺香港開舖不夠業主鬥,做Online Shop不夠16、17歲鬥,不能日日攞住個電話睇Facebook做人,我都老花了!

40多歲的Pauline一語道出不少中年師奶的抉擇。

每逢有假期,二人便會四處遊玩,享受生活。(受訪者提供圖片)

早於3年前,Pauline不斷游說好友Apple,認為K-POP帶動自由行,搞民宿大有可為,不過二人要一年後才實現民宿夢。

雖然二人做過旅行社,但開民宿還是初哥,腦海只有長洲度假屋模式,完全沒有民宿概念,幸好招募了一位曾在台灣民宿打工的年輕台灣女生,幫助她們不少。

我連屋企都唔想執,Pauline就鍾意洗衣清潔,但她是電腦白癡。有時我唔得閒返民宿就佢返,好過自己一個人做,輕鬆啲。

在旁的Pauline即搶着補充:「洗廁所、洗床單之嘛,係師奶都識做㗎啦!」這對合夥人,性格一凹一凸,互補不足。

來韓生活逾10年,二人見證近年弘大區冒起,附近的合井又有韓國最大娛樂公司社長開設的Night Club,連名店MCM也進駐這區,形容此舉等同在荃灣開LV般厲害。

貼身服務勝本地薑

AP Seoul Guesthouse(伍寶賢、孔慶初攝)相片來源:iMoney智富雜誌

現時,二人開的民宿客七成是港人,正如Pauline形容:「做港人生意真係要謹慎奄尖一百倍!」所以二人採取貼心服務策略,

試過有婆婆住客在街跌親,如果你住酒店唔會有人理你,但我哋陪佢入院做手術,又問保險,幫佢聯絡屋企人,直至等佢家人過來韓國交接,呢啲出面做唔到!

韓國人開民宿,只Check in或out時見一見個客,又唔會幫客收垃圾。

Apple指,港人在韓開民宿有優勢。

我哋講廣東話,直接與客對話,不用靠人,但韓國人經營的民宿,未必有回頭客。

二人經常收到由舊客送來的香港零食。(伍寶賢、孔慶初攝)相片來源:iMoney智富雜誌

原來一場「新沙士」過後,弘大區有多間民宿關門大吉,地產代理帶她倆睇樓。「頂手的民宿裝修好靚仔,無可能收唔到客。」其後發現原因:

韓國人做老闆的民宿,只在酒店網站收客,有幾間亦只請韓籍員工,人客問嘢點算?做民宿是賣Service,所以要成日在民宿打躉。

由於她倆做過旅行社,Apple又在港開過韓國化粧品店,令客源網絡大,若不計保證金,民宿開張第三四個月已收支平衡,她們坦言不會把民宿放上酒店網站,免被抽取昂貴佣金。

民宿設計簡約,頗受港人歡迎。(伍寶賢、孔慶初攝)相片來源:iMoney智富雜誌

零生活壓力心滿意足

其實早於1999年,任職旅行社的Apple已率先來韓發展,當時Pauline則仍在港工作。Apple覺得在韓國生活不錯,租屋又便宜,加上旅行社需要港人員工與客溝通,於是問同屬旅行社的死黨Pauline會否來韓發展。

Pauline答應後不久,連她丈夫也申請工作簽證離港來到首爾生活。

我哋嘅生活你會羨慕,6點收工,6點半7點開飯,7點出漢江散步跑步,11點返屋企,星期六日係家庭日,放假就放假,香港邊有可能有咁嘅生活?


做民宿冇可能有好豪華的生活,但在韓國(就算做小生意)也可以有高質素的生活,這樣我已很滿足。

Pauline滿足地說。

空運醬油蟹來港

醬油蟹是港人慕名的韓國地道美食。(伍寶賢、孔慶初攝)相片來源:iMoney智富雜誌

旅遊達人杜如風早前到韓國拍攝旅遊節目,介紹過醬油蟹,節目出街後,醬油蟹隨即在港爆紅,不少港人在港韓兩地尋找這道韓式美食。

港人一向食腦,Pauline試過運醬油蟹返港,發現「品質無變壞、食完無肚痛」,再看看香港售賣的醬油蟹均是自家醃製,並非韓國製造,於是與兩位韓籍華僑合作出口地道醬油蟹予本港韓食肆。

Pauline親自到仁川搵工場,又跟進整個流程,如何取貨、領取牌照等等,又帶兩位韓國合夥人來港,直接與在港的韓國餐館老闆洽談合作。

目前,最少已有兩三間食肆訂購醬油蟹。Pauline亦已在港租賃大型冷凍倉,確保抵港醬油蟹新鮮。

引入港的醬油蟹由仁川工場製作。(伍寶賢、孔慶初攝)相片來源:iMoney智富雜誌

至於哪種醬油蟹最好吃?Pauline教路:

蟹種要用梭子蟹,要用乸,不要公,因為蟹乸出名膏靚,蟹公出名肉靚,而吃醬油蟹主要是配白飯來吃,所以要吃膏。而蟹要在西海生活的,因近北韓,水夠凍蟹才靚。

她指差不多隔日就運十多箱醬油蟹返港,又指只要放入雪櫃,一個月內食用也沒有問題,更期望日後開拓澳門市場。

(節錄)

全文刊於《iMoney智富雜誌》第416期(收費閲讀)

iMoney智富雜誌facebook

 

撰文 : iMoney智富雜誌