三萬尺高空的故事 你不知道的飛機小趣聞

City 12:46 2015/12/16

分享:

你知唔知道,原來…

1. 8成人坐飛機時會感到恐懼

飛機升降、氣壓改變、遇上氣流等有可能係飛行過程中導致乘客身體不適,而因為怕出現以上情況而感到恐懼嘅人原來都唔少。其實飛機係世界上最安全嘅交通工具,發生意外嘅機會率遠比其他交通工具低,所以你下次可以試下放鬆啲啦!

相片來源:KKday

2. 乒乓球極度易燃

你係咪同小編一樣完全估唔到原來乒乓球係唔帶得上飛機架呢!因為乒乓球嘅原材料赛璐珞當中含有70%嘅硝化纖維,而硝化纖維就係製造炸藥TNT嘅原料!所以乒乓球係非常易燃架!

相片來源:KKday

3. 寵物只能以行李或貨物方式運載

你或者會想帶自己嘅寵物去旅行,但你必須要知道唔係每個國家都允許動物入境/出境,即使允許,你亦都需要預先準備有效的寵物健康及疫苗證明、入境許可及其他所需文件及預先聯絡航空公司。

只有導盲犬等傷殘人士輔助犬先可以隨同主人進入客艙,當然亦需要預先申請啦。

相片來源:KKday

4. 飛機廁所塗層物料同煎pan一樣

飛機廁所同煎pan,兩樣野睇落一啲關係都無,但其實大家都係用一種名叫Teflon嘅化合物作為塗層。呢種物料有種「不黏」嘅特性(即係唔痴底),講到呢度你係咪有少少明白點解飛機廁所要用呢種物質做塗層呢…

相片來源:KKday

5. 正副機師需要食唔同款嘅飛機餐

正副機師需要食唔同款嘅飛機餐,原因係為左確保兩位機師唔會同時因為食左同一款有問題嘅飛機餐而感到不適,影響飛機嘅操控。

相片來源:KKday

6. 世界上第一位空中服務員係男性

1912年,世界上第一位空中服務員Mr. Heinrich Kubis 首次執行空中服務員嘅職責。初期嘅空中服務員係由護士擔任,以照顧乘客可能面對嘅不適,直到第一位女空中服務員嘅出現係1930年。

時至今日,空姐嘅數量比空少多,空中服務員= 空姐呢個係唔少人對佢地嘅印象。其實不論空姐令空少,都係為左乘客可以有安全愉快嘅旅程而努力。

相片來源:KKday

文章獲KKday授權轉載,歡迎加入「KKday」粉絲團。

撰文 : KKday