榴槤品種有學問 真假「貓山皇」點分?

精明消費 13:38 2016/08/04

分享:

榴槤供應商「榴槤BB」跟馬來西亞聯邦農業促銷局(FAMA)將於9月推出多場榴槤放題,標榜450元任食貓山王。TOPick根據「榴槤BB」資料,教你5種榴槤點樣分:

【延伸閱讀】榴槤2小時放題 450元任食貓山皇

5種榴槤均來自馬來西亞從上圖可見,榴槤供應商「榴槤BB」資料,「金包」纖維較少,甜度較濃,口味大眾化,是初次品嘗之選。

事實上,極品貓山皇食味微帶酒香,苦中帶甘甜,層次複雜,初食第一口可能未慣,比較難接受,但再繼續食就很容易會有上癮感覺。榴槤吃法以由淡味至濃味為佳。

不過暫時本港未有出口「純種老樹」、「紅肉」、「金包」,而5種榴槤的價錢只作參考,實質需視乎天氣、供應情況等。

相片來源:「榴槤BB」Facebook

真假「貓山皇」點分?

TOPick早前報道,「貓山皇」被視為馬來西亞上等級的榴槤,但曾有果欄商販以泰國榴槤金鳳凰,充當「貓山皇」出售,每個只賣100元。

【延伸閱讀】直擊泰國榴槤扮上等「貓山皇」小心果欄也中伏【有片】

綜合果商建議,金鳳凰有甜、有香味,但欠缺貓山皇的回甘味。分辨真假「貓山皇」有以下貼士:
 

  • 底部呈海星型,花紋上到約半身,是平平地地散開,大部分可「企起身」
     
  • 外殼較青綠色或是啡黑色,不會變黃
     
  • 果肉呈黃色,粒粒飽滿,見不到核的
     
  • 口感是甜芝士味
     
  • 返貨時必定是放發保膠箱,因要有乾冰保持在約7至9度

【延伸閱讀】生果食肥人 荔枝 VS 榴槤卡路里最高?

不過,榴槤與其他大部分低脂低卡路里的水果不同,以一杯(243克)兩件榴槤來計,它的脂肪含量約為13克,總卡路里357克, 相等於吃了1.5碗白飯下肚,大家記得應因應需要調節食量。

【其他熱話】怕醜草刺傷子女?漁護署連根拔起

【其他熱話】凍檸茶VS奶茶 茶餐廳邪惡凍飲糖分比拼

【其他熱話】凶宅9千元呎成交 你會唔會買?